Accessibility links

Кайнар хәбәр

Germaniä Kanslerı Gerhard Schroeder bügen Germaniäneñ qıyınlıqlar kiçerüçe iqtisadın reformalaw proyektı belän tanıştırdı.


Parlamentta çığış yasap Schroeder üz watandaşların Yewropanıñ iñ quätle iqtisadın üseş yulına qaytaruda zur üzgäreşlärne qabul itkändä qıyuraq bulırğa çaqırdı. Schroeder toraq häm infrastruktura proyektları belän iqtisadqa etärgeç yasaw öçen 15 milliard eurolıq däwlät kreditları birelüen iğlan itte. Schroeder eşsezlek aqçaların kimetüne täqdim itte häm hönär berlekläreneñ xezmät xaqın bilgeläw quäten çikläw öçen xoquqıy üzgäreşlär kertü belän yanadı. Ul, şulay uq, Germaniäneñ xezmätkärlärne eşlärennän aludan yaqlawçı qanunnarı artıq qırıs dip alarnı sığılmalıraq itü kiräklege turında çığış yasadı. Anıñ äytüençä, kiläse atnada Brüssel’dä Yewropa Berlege sammitında Germaniä, Fransiä häm Britaniä sänäğät säyäsäte turında urtaq täqdim yasıyaçaq.
XS
SM
MD
LG