Accessibility links

сишәмбе, 6 декабрь 2016, Казан вакыты 03:56

Russiä İrannı Xalıqara Atom Energetikası Agentlığı kileşüläreneñ östämä protokolların imzalarğa çaqırdı.


Russiä tışqı eşlär ministrlığı belderüençä, tışqı eşlär ministrı urınbasarı Georgiy Mamedov bügen Mäskäwdä İran ilçese Ğolamriza Şafei belän oçraşıp östämä protokollarnı imzalawnıñ bik möhim buluına basım yasağan. Sişämbe könne Quşma Ştatlar agentlıqnıñ İrannan yaña protokollar imzalawnı sorawın xuplap çıqqan ide. Älege protokollarnı imzalaw xalıqara atom oyışmasına İrannıñ atom qorılmaların nığraq häm qatıraq tikşerü mömkinlegen biräçäk. Uzğan atnada İran İspahan şähäre yanındağı urannı üzgärtü qorılmasın eşlätä başlarğa cıyınuı turında belderde. AQŞ matbuğatı bu qorılmada urannı bayıtuda qullanıla torğan gaz citeştereläçäk dip yaza. Kiçä AQŞ prezidentı George Bush, Tähran xalıqara iminlekkä qurqınıçlı dip belderdep, AQŞ şirkätlärenä häm watandaşlarına İranda neft’ belän bäyle eş alıp barunı tıyuçı sanksiälärneñ möddäten ozayttı.

XS
SM
MD
LG