Accessibility links

пәнҗешәмбе, 8 декабрь 2016, Казан вакыты 08:57

Färit Möxämmätşin Federatsiä Şurası töbäklärgä üz pozitsiälären yaqlarğa yärdäm itär dip ömetlänä


Comğa könne Tatarstan respublikası Däwlät Sovetında Federatsiä Şurasınıñ Rusiä Federatsiä eşläre häm regional' säyäsät buyınça Komitetnıñ küçmä utırışı buldı. Tügäräk östäldä «Rusiä Federatsiäse subyektlarınıñ qanun çığaru häm anı ütäwçe däwlät orğannarın oyıştırunıñ ğomumi prinsipları turında»ğı Federal' qanunğa üzgäreşlär häm östämälär kertü turında» federal' qanun proyektın eşläp beterü xaqında söyläşü buldı. Utırış eşendä Rusiä senatrları, respublika parlamentı deputatları, Tatarstan respublikası Prezident Apparatı, Ministrlar kabinetı wäkilläre häm fän keşeläre qatnaştı. Rusiä Federatsiäse Federal' cıyını Federatsiä Sovetı Komitetı räise Aleksandr Kazakov äytüençä, parlamentqa kerä torğan barlıq qanun proyektları da älege komitet aşa ütä. Ul Tatarstannı fikerdäşe itep kürä. «İkebezgä dä federalizm ideyäläre yaqın»,- di.

Qanunnıñ üzenä kilgändä, komitet räise fikerençä, anda qänäğätländermägän urınnar da baytaq. Tatarstan yağınnan şiklärne dä beterergä teli alar. Komitet räise Aleksandr Kazakov äytüençä, bu qanun proyektı qabul itelgändä anıñ nigeznamälären Konstitutsiälärgä turı kilü—kilmäwe häm finans yaqtan tä'min iteleşe qarala. Bu mäs'älä buyınça TR Däwlät Sovetı räise Färit Möxämmätşin mäğlümat birde. Anıñ fikerençä, qanun proyektınıñ qayber nigeznamäläre federal' Konstitutsiägä qarşı kilä häm Rusiä Sub'yektlarınıñ konstitutsion wäqälätlärenä turıdan—turı tıqşına. Färit Möxämmätşin Federatsiä Sovetı töbäklärgä üz pozitsiälären yaqlarğa yärdäm itär dip ömetlänä.

XS
SM
MD
LG