Accessibility links

шимбә, 3 декабрь 2016, Казан вакыты 03:26

Raul'' Mirxäydärownıñ “İrtälägän sağış” kitabın täqdir itü kiçäse buldı


Mädäniät yañalıqlarına kilgändä, xäzerge waqıtta Tatarstan Yazuçılarınıñ Ğ.Tuqay isemendäge klubında Mäskäwdä yäşäwçe millättäşebez Raul' Xäydarownıñ «İrtälägän sağış» isemle kitabın täqdir itü kiçäse bara. Anı Tatarstan Yazuçılar Berlege häm Tatarstan kitap näşriäte oyıştırğan. Raul' Mirxäydärownıñ äsärläre bik küp çit tellärenä tärcemä itelgän. Ul üze rusça yaza. Anıñ «İrtälägän sağış» isemle kitabı Tatarstan kitap näşriätında dönya kürde. Tatarstan Yazuçılarınıñ 14 qorıltayında filologiä fännäre doktorı, professor Flera Safiullina üzeneñ çığışında «Tatar uquçısı soñğı yıllarda üze öçen ber talantlı ädipne açtı. Raul' Mirxäydärovnıñ Mars Şabaev tärcemä itkän «İrtälägän sağış» romanı intellektual' prozanıñ matur ürnäge bulıp tora. Çınnan da, äsärneñ tärcemäse ütkän ğömerneñ sağışlı intonatsiäsen birä alğan. Bezneñ tatar dönyası öçen yaña dönya, yaña geroylar, detal'-ştrixlar, üzençälekle surätläw stile uquçını üzenä tartıp tora»,-dip äytkän ide. Ämma qarşılıqlı fikerlär äytüçelär da şaqtıy buldı. Tatar yazuçıları tuğan telebezdä üz kitapların çığara almıy cäfalanğanda, soñğı yıllarda ğına üzeneñ tatar ikänen isenä töşergän keşeneñ kitabın çığarıp, anı zurlap täqdir itü kiçäsen uzdıru qayberlärdä qänäğätsezlek tudırdı. Millättäşebez xaqında yazuçı, «Qazan utları» jurnalı baş möxärrir urınbasarı, yazuçı Flüs Latıyfi menä närsälär söyläde.

AUDİO: Mäskäwdä yäşäwçe Raul' Mirxäydär Irımburnıñ Martuq digän bistäsendä tuğan. Bu bistädä zamanında törle millät xalqı yäşägän. Häm menä bügen täqdir iteläse kitabı anıñ aftobiografik tösmerdä. Yazmış Raşat Dasaev digän keşene qayda ğına taşlamasın - Üzbäkstanmı, Gruziäme, Qırımmı ul yuğalıp qalmıyça üz yulın taba. Başta älege äsär tärcemä itelep “Qazan utları” jurnalında basılıp çıqtı, xäzer 5 meñ danä belän ayırım kitap bulıp basıldı.

XS
SM
MD
LG