Accessibility links

якшәмбе, 11 декабрь 2016, Казан вакыты 15:06

Amerika Quşma Ştatları, Britaniä häm İspaniä citäkçeläre Ğiraq mäs’äläsendä çirattantış söyläşülärgä äzerlänä


Bügen Ğiraq başqalası uramnarına Amerikan suğışına qarşı buluların belderer öçen distälägän meñ keşe çıqtı. Uram cıyınnarı xakimiättäge Baath partiäse tarafınnan oyıştırılğan. Protest belderüçelär qullarına suğışqa qarşı häm Ğiraq citäkçese Säddäm Xösäinne yaqlağan şiğärlär totqannar ide dip xäbär itelä. Qarşılıq belderüçelär arasında intixar terrorçıları itep kiengän xatın-qızlarnıñ bulğanı da mäğlüm.

Dönya citäkçeläre isä Ğiraqqa qoralsızlanu öçen tağın östämä waqıt biräçäk İminlek Şurası rezolyutsiäse mäs’äläsendä bäxäslärne däwam däwam itä. Britaniä, İspaniä häm Amerika Quşma Ştatları başlıqları irtägä Portugaliäneñ Azor utrawında ğadättäntış oçraşuğa cıyıla. Gretsiädä oçraşqan Yevropa däwlätläreneñ saqlanu ministrları söyläşüendä dä Ğiraq tiräsendäge wazğiät köntärtibendäge töp mäs’älä bulıp tordı. Yevropa Berlegeneñ tışqı säyäsät başlığı Javier Solana suğışnı buldırmıy qalu mömkinlegenä bik ışanıp betmäwen belderde, läkin nizaqqa diplomatik çişeleş tabu ixtimalı äle dä bar, dide ul.

XS
SM
MD
LG