Accessibility links

пәнҗешәмбе, 8 декабрь 2016, Казан вакыты 07:12

Rusiä Ğiraqqa qarşı çaralarda ber niçek tä qatnaşmayaçağına işarä yasadı


Pentagonnıñ, Ğiraqqa qarşı xärbi çaralar belän idarä itü öçen tözeläçäk Quşma Ştatları citäkçelegendäge komitetta Rusiä wäkile dä eşläsen digän täqdimne Mäskäw kire qaqtı. Bu xaqta Amerika Quşma Ştatlarınıñ Mäskäwdäge ilçelegeneñ xärbi wäkile Kevin Ryan İnterfax mäğlümat agetnlığına xäbär itkän. Ryan süzlärenä qarağanda Rusiä xökümäte Ğiraqqa qarşı çaralarda ber niçek tä qatnaşmayaçağına işarä yasadı. Äfğanstan mäs’älälärendä Rusiä wäkile Amerika Quşma Ştatlarnıñ Üzäk İdaräsendä eşen däwam itäçäk.

Ğiraqta qoral tikşerüläreneñ barışı turında çirattağı xisap Beläşkän Millätlär Oyışmasına kiläse atnanıñ sişämbe könendä täqdim iteler dip kötelä. Rusiä tışqı eşlär ministrı urınbasarı Yuri Fedotov, inspektorlar başlığı Hans Blixnıñ xisabında bu yulı, küzätüçelärneñ alğa taba nindi adımnar yasayaçağı turında da mäğlümat bulırğa tieş, dip belderde. “Qoralsızlanu öçen tağın nilär eşlärgä kiräklege açıqça äytelergä tieş” dip sanıy Fedotov. Tikşerülärneñ dä çige bulırğa tieş, dip, Rusiä wäkile Rusiä-Fransiä-Germaniä qabul itkän urtaq memorandumdağı 120 kön waqıtqa işarä yasadı.

XS
SM
MD
LG