Accessibility links

чәршәмбе, 7 декабрь 2016, Казан вакыты 01:03

Törkiä Quşma Ştatlarına Ğiraq suğışında yardäm itü mäs’äläsen xäl itä


Törkiä premyer-ministrı Recep Tayyip Erdoğan Amerika Quşma Ştatlarnıñ Ğiraqqa qarşı xärbi çaralarına yardäm itü mäs’äläse –parlament utırışı köntärtibendäge iñ möhim mäs’älä tügel , dip belderde. Quşma Ştatlarnıñ üteneçen qanäğätländerü turında söyläşülär-parlamentta ışanıç alu öçen tawış birüdän soñ ğına mömkin bulaçaq, dip östäde Erdoğan. Bu waqiğalar kiläse atna axırına bulır dip kötelä. Tayyip Erdoğan premyer-ministr wazifasına kiçä kereşte. Pentagon Törkiäneñ üz cirlärendä Amerikan ğaskärlären urnaştıruğa qarşı çığuınnan soñ üzeneñ berniçä xärbi korabın urta diñgezdän Qızıl diñgezgä küçerde.

Bügen Törkiäneñ saqlanu ministrı Vecdi Gönül Quşma Ştatlarğa häm premyer-ministrı urınbasarı Abdullatif Şener Britaniägä oçtılar. İke säfärneñ berse dä räsmi töstä Ğiraq tiräsendäge xällärgä bäyle bulmasa da Gönül, Amerikan räsmiläre belän bu xaqta söyläşülär bulır, dip xäbär itte.

XS
SM
MD
LG