Accessibility links

шимбә, 10 декабрь 2016, Казан вакыты 08:18

Serbia 3 kön elek atıp üterelgän premyer-ministrı Zoran Djindjiç belän xuşlaştı


Belgradta Saint Sava çirkäwendä Serbiä premyer-ministrı Zoran Djidjiç belän xuşlaşır öçen distälägän meñ keşe cıyıldı. İl buylap xökümät başlığın üterüdä şiklänelgännärne qulğa alular däwam itä.

2000nçe yılda Slobodan Miloşeviç xakimiäten bärep töşergän bu keşe belän xuşlaşu öçen Belgradqa Yevropa Komissiäse prezidentı Romano Prodi, Germaniä tışqı eşlär ministrı Joschka Fischer, Albaniä, Xorvatiä, Gretsiä, Makedoniä, häm Rumıniä premyer-ministrları, Berläşkän Millätlär Oyışmasınıñ Kosovodağı missiäse başlığı Michael Steiner, Amerika Quşma Ştatlar İminlek xezmäteneñ elekke başlığı Lawrence Eagleburger häm başqalar kilde.

Politsiä birgän mäğlümatlärgä qarağanda 180nnän artıq keşe qulğa alınğan. Läkin premyernı üterügä turıdan turı qatnaşı bulğannar äle dä irektä. Djindjiç Serbiäneñ qızıl-zäñgär-aqlı bayrağına törelgän tabutta Belgradnıñ Yaña ziratında cirlände.

XS
SM
MD
LG