Accessibility links

шимбә, 3 декабрь 2016, Казан вакыты 01:27

Belgiä häm Hindstan suğış başlanğan oçraqta Amerikan oçqıçların üz cirlärenä kertmiäçäklär


Belgiä tışqı eşlär ministrı Louis Michel Berläşkän Millätlär Oyışması fatixası bulmasa, Belgiä Amerikan ğaskärlärenä suğış başlanğan xäldä tranzit xoquqı birmäyäçgen xäbär itte. Belgiä televideniäse tapşıruına, bu oçraqta Belgiäneñ üz cirlären täqdim itüe bötenläy mantıqqa sıymıyaçaq, dide Louis Michel, çönki Belgiä suğışqa qarşı çığa. Hindstan saqlanu ministrı George Fernandes Ğiraq suğışı başlanğan xäldä Hindstan da üz cirlärendä Amerikan xärbi oçqıçlarına yağulıq alır öçen tuqtarğa röxsät birmiäçäk, dip belderde. Waşington älegä bu xaqta soramağan. 1991nçe yılğı Farsı Qultığı suğışında Hindstan Kuwait’tan Ğiraq köçlären çığaru çarasına qarşı bulsa da Amerikan oçqıçlarına Bombayda yağulıq alırğa röxsät itkän ide. Hindstan premyer-ministrı Atal Behari Vajpaee uzğan atnada Waşington häm anıñ berektäşlären Ğiraqqa qoralsızlanu öçen kübräk waqıt birergä çaqırğan ide.

XS
SM
MD
LG