Rusiä tışqı eşlär ministrı urınbasarı Yuri Fedotov, Ğiraqqa qarşı köç qullanunı röxsät itkän yaña rezolyutsiäne Berläşkän Millätlär Oyışması İminlek Şurasınıñ qabul itüenä ışanıç yuq, dip belderde. Bu xaqta İnterfax mäğlümat agentlığı xäbär itte. Fedotov süzlärençä kiçä Rusiä, Fransiä häm Germaniä Ğiraqqa qarşı äzerlängän Amerikan suğışın buldırmas öçen tağın ber tırışlıq yasadı. 3 il wäkilläre kiläse atnada İminlek Şurasın cıyılıp Ğiraqqa qoralsızlanu taläplären belderergä çaqıra.
İrtägä Bağdadqa möfti Tälğat Tacetdin citäkçelegendä Rusiäneñ pravoslav häm möselman din ähellärennän torğan ber törkem kitä. Ğıraqnıñ Mäskäwdäge wäkile Abbas Xäläf süzlärenä qarağanda säfärne Kreml dä xuplağan. Törkemgä şulay uq Magadan häm Sinegorsk pravoslav ruxaniläre dä kerä. Din ähelläre Ğiraq räsmiläre şul sanda premyer-ministr urınbasarı Tareq Aziz belän oçraşaçaqlar.
