Accessibility links

Кайнар хәбәр

Färit Möxämmätşin Strasburgqa kitte


Düşämbe könne Tatarstan süze Yevropa üzägendä yañğırarğa tieş. Däwlät Sovetı räise Färit Möxämmätşin cirle häm töbäk xakimiätläre kongressında çığış yasarğa tieş. Ul töbäklärneñ xakimiättä üz urınnarı, üz tawışları bulırğa tieşlegen dälillärgä tırışa.

Mädäni tormışta qızıqlı ğına çaralar bulıp torsa da, xäbär axırında sport turında berniçä süz. Qazannıñ “Rubin” futbol komandası Rusiäneñ premyer ligasına çıqqan ide. Qazan şähäre başlığı Kamil İsxakov bu komandanıñ uñışlarına küp köç saldı. Yaña yılda “Rubin”nıñ büdjetı 14 million dollar, dip yaza şähär matbuğatı. Premyer ligada ciñügä ireşer öçen Braziliädän, Çexiädän, Costa Rikadan häm tağı ällä niçä ildän qimmätle futbolçılar kiterelde. Ber yaulanğan ligadan çığıp oçası kilmi “Rubin”nıñ. Yäkşämbe könne “Rubin” Mäskäwdä ЦСКА komandası belän alıştı. Berençe yarış quanıç kitermäde. 4:0 xisabı belän “Rubin” ciñelde. Bügen därtsez häm moñsuraq xäbär citkerüem öçen kiçeregez, tormış şulay bulğaç, “Azatlıq” radiosı närsä söyläsen soñ?

Rimzil Wäli, Qazan
XS
SM
MD
LG