Accessibility links

чәршәмбе, 7 декабрь 2016, Казан вакыты 11:57

AQŞ prezidentı G.Bushnıñ Saddam Xösäingä quyğan ultimatumğa Dönya nindi reaksie kürsätte?


AQŞ prezidentı G.Bushnıñ Saddam Xösäin häm ğailäsenä ildän çığıp kitü öçen 48säğät waqıt birgän yäki suğış belän yanağan ultimatumı Dönyada yaqlaudan alıp borçılu, açu häm yarsu kebek törle reaksiegä säbäp buldı. İn nıq yaqlau Avststralie premiere John Howardtan bulsa ,Fransie prezidentnı J.Chiraq Quşma Ştatları ultimatum quyıp bik zur cawaplılıq aldı dip belderde.

Prezident Bushnıñ 13minutlıq çığışı amerika xalqı şulayuq Ğıraq qorallı köçlären küzdä tottı. Bushnıñ Saddam Xösäingä quyğan ultimatumına qarata Dönyanıñ törle xökümätläre yasağan belderülär şulayuq cämäğätçelek fikre bik törle häm berbersenä qapma qarşılıqlı. Fransie ,Germanie Russie Qıtay suğışqa qarşı illär .Yaponie premiere Junichiro Koizumi ultimatumnı Bush öçen bik qıyın qarar dip taswirlap Yaponie xökümäte suğış öçen BMOnıñ yaña rezolutsiese kiräkmi digän pozitsiedä tora dip äytte .Koizumi

Audio

Min AQŞnıñ Ğıraq säyäsäten yaqlıym, ömed bik az bulsa da minemçä tınıçlıqqa äle dä şans bar häm ul Saddam Xösäin qulında

Yaponie suğışqa qatnaşa almıy çönki anıñ konstitutsiese qorallı köçläreneñ çit ildä suğışuın tıya. Koizumi suğıştan soñ Ğıraqqa niçek yardäm itä alaçağıbıznı uylıyaçaqbız dip söyläde.Pakstanda Strategik tikşerülär institutı citäkçese Şirin Mazari, ultimatum AQŞnıñ dönya cämäğätçelege fikrenä xörmät itmäwen kürsätä dip äytte. Awstralia premiere John Howard kabinetnıñ Farsı Qultığındağı 2meñ ğäskärigä Ğıraq operatsiese öçen AQŞ vä Britan köçlärenä quşılu röxsäte birüen döres, legal qarar dip belderep, alar Avstralieneñ milli mänfäğätlären yaqlayaçaq häm min xalıqnı da bu qararnı yaqlarğa çaqıram dide. Howard qarar prezident Bush belän bulğan telefon söyläşüennän soñ qabul itelde dip äytkän. Yaña Zelandiädä premier Helen Clark Ğıraq suğışın xalıqara qanun aqlıy mikän digän sorau quyğan. Dönyada in küp möselman yäşägän İndonezie Bush qararına qızğanıç belderde. Amerikanıñ kürşese Meksika İminlek Şurası äğzası häm Ğıraq suğışına qarşı pozitsiesen saqlap qalu öçen köräş alıp bardı. Prezident Fox suğışqa qarşı üz xalqın şulayuq AQŞnı açulandırmas öçen nıq tırıştı. Meksika tışqı säwdäseneñ 75%tı AQŞ belän. Vicente Fox Ğıraq suğışınıñ qotılgısız buluına qızğanıç beldersä dä, AQŞbelän mönäsbätlär kiskennäşmäs digän ömed belderde. Bush ultimatumına qarata in kisken reaksie Fransiedän buldı.Prezident J.Chiraq Dönya ultimatumnı yaqlamıy.Quşma Ştatları xalıqara cämäğätçelekneñ fikren kire qağıp, bik zur cawaplılıq ala dide . Chiraq

Audio

Suğış öçen ber yaqlı qararnı ber närsä dä aqlamıy

Chiraq süzlärenä däwam itep bu bik ciddi qarar Ğıraqnı qoralsızlandıru dewam itä inspeksielär ilne qoralsızlandıru öçen ışanıçlı alternativa buluın kürsätte Bu qarar kiläçäktä küpläp üterü qoralları belän bäyläneşle krizislarda tınıç yullar belän eş itüne qıyınlaştıraçaq. Yaqın kiläçäktä waqıyğälär nindi genä yünäleş almasın , bu ultimatum xalıqara mönäsäbätlärne , xalıqnıñ kiläçägen töbäkneñ kiläçägen häm dönyanıñ stabillığın sorau astında qaldıra dip äytep

Audio

Bugen Ğıraq suğışnı aqlayaçaq qurqnıç täşkil itmi

Ğıraq suğışına ütkän cäydän birle nıq qarşılıq kürsätep kilgän Germanie kanslerı G.Schroeder dä TV dä yasağan çığışında qoralsızlanu protesesın äle tuqtatu öçen säbäp yuq ,minem xökümätem Hans Blix häm kollegalarınıñ uñışın arttıru öçen partnörlarıbız belän qatı eşläde. Bez moña dönya tınıçlığına kertkän öleşebez dip qaradıq dide. Schroeder süzlärençä

Audio

Min ütkändä dä xäzer dä Ğıraq diktatorınıñ tudırğan qurqınıç meñnärçe gönahsız ir at xatın qız häm bala çağanıñ ülemenä säbäp bulaçaq suğışnı aqlımı digän sorau quydım. Minem cawap ütkändä dä xäzer dä yuq Qıtaynıñ yaña prezidentı Hu Jintau Chiraq belän ütkärgän telefon söyläşüennän soñ Ğıraq mäsäläsendä Parij belän ber yk pozitsiedä toruların belderde.Russie tışqı eşlär ministırlığı süzçese Aleksander Yakovenko Ğıraqtağı wazğiätkä diplomatik xäl çarası yuq dip äytü öçen säbäp bulmawın belderde V.Putin düşämbedä Ğıraqqa höcüm yaman näticälärgä kiterüçe xata bulaçaq dip äytkän ide. Sişämbedä Belgie, Şwedsie kebek illär suğışqa qarşı fikerlär beyan itkändä Yevropa Berlegeneñ älege räise , Gretsie AQŞ ultimatumı global krizisqa säbäp buldı dip belderde. Prezident Bushnıñ töp berektäşe Britanie premiere T.Blair üzeneñ leyboristlar partiäsendä bäxäs şau şuğa säbäp bulıp tora.Düşämbedän birle Blairnıñ Ğıraq säyäsätenä protest belderep kabinettan 3 ministır ,2 urınbasar ministır şulayuq leyboristlarnıñ parlamenttağı citäkçese çigende . Britanie xalqınıñ zur öleşe suğışqa qarşı.

Färidä Xämit, Praga
XS
SM
MD
LG