Accessibility links

сишәмбе, 6 декабрь 2016, Казан вакыты 23:03

Amerikanıñ Ğiraqqa ultimatum belderüenä Tatarstanda cämäğätçelek fikere


«Kolxoz tarala mıikän, kolxoz qazala mıikän», - dip cırlap uzğan di, Stalin zamanında, awılnıñ ber ağayı. İkençe könne awıl sävitenä çaqırtıp cawapqa tartqaç, «Yuq, yuq, nitkän süz. Min kolxoz tarı alamı ikän, qaz alamı ikän, dip cırladım»,- dip tapqır cawap birep, törmädän qotılğan di. Ğiraq suğışına qarata da ğadi xalıq, şulay uq, şul cırğa kolxoz urınına Ğiraq, yä bulmasa Amerika atamasın quyıp cırlar ide. Ğadi xalıqqa Amerikası da, Ğirağı da häm problemaları da yıraq. İkençe bötendönya suğışı waqıtında Ğiraqnı isäpkä, iskä aluçı buldımı ikän, dip uylawçılar da bar. Älbättä xäzerge zamanda xalıqnıñ dingä, islamğa möräcäğät itüe köçäyde, islamğa äylänep qaytuçılar sanı arttı. Bu mönbärdän qarağanda möselmannarğa basım köçäyü säbäple, qaytawaz ekstremizm artır häm bu xaq möselmannarğa zıyan kiterer dip farazlawçılar bar. Şulay da Amerika-Ğiraq konfliktında Tatarstanda da tarafdarlar ikegä bülende. Beräwlär suğışqa qarşı häm wässäläm. Mäğlüm ki, Bötentatar ictimaği üzäge başta uq Ğiraqnı yaqlap suğışqa qarşı ikäneñ açıq itep belderde häm bu Amerika soñğı süzen äytkäç, yäğni ultimatum beldergäç tä üzgärmägän. Sişämbe könne “Azatlıq“ radiosına İctimaği Üzäk räise Räşit Yäğfärov bolay dide:

Audio (Räşit Yäğfärov suğışqa qarşı piketlar uzdırıluı, imzalar cıyıluı turında söyli. Mondıy qarşılıq aksiäläre kiläçäktä dä däwam itäçäk, di)

İkençe taraflar -- konfliktnı äle dä tınıç yullar, xalıqara xoquq normalarına tayanıp xäl itep bula, dip sanawçılar. Bötendönya tatar kongressı başqarma komitetı räise Rinat Zaqirovnıñ “Azatlıq“ radiosına birgän äñgämäsennän ber özek:

Audio (Rinat Zakirov suğışnıñ dönyada bik citdi üzgäreşlär kiterep çığaru mömkinlege turında söyli. Bu bigräk tä möselman illärenä mönäsäbätne üzgärtergä mömkin, şuña kürä tatar xalqı dönyada tınıçlıqnı saqlap qalu yağında.)

Şulay itep Amerika Ğiraq konfliktında qarşı toruçılar pozitsiäläre sişämbe tañı atqanda çamadan tış açıq, dönya cämäğätçelegendäge şul isäptän tatar cämäğätçelege fikerläre dä tuplandı häm töplände. Soñğı süz xakimnärgä.

XS
SM
MD
LG