Respublikanıñ räsmi dairälärendä Amerika ultimatumına qarata mönäsäbätlär belderü işetelmäde. 18 mart könne räsmi xäbärlärdä premier-ministr Röstäm Miñnexanovnıñ Bolğarstan respublikasınıñ Rusiädäge ğadättän tış häm tulı wäqälätle ilçese İliäm Vasilyev belän oçraşuı turında äytelä. Oçraşuda Tatarstannıñ häm Bolğarstannıñ nefteximiä, maşinatözeleş, awıl xucalığı produksiäsen eşkärtü häm turizm ölkäsendä xezmättäşlek mäsäläläre söyläşende dielä räsmi xäbärdä.
