Accessibility links

сишәмбе, 6 декабрь 2016, Казан вакыты 23:05

Törkiä parlamentı Amerikan oçqıçların Törkiä kügenä kertü-kertmäw mäsäläsen tikşerä


Törkiä parlamentı irtägä Amerikanıñ xärbi oçqıçlarına Törkiä kügenä kerergä röxsät birü mäsäläsen tikşeräçäk. Xökümät süzçese Cemil Çiçek süzlärençä, xäzer Waşington şunı ğına sorıy, ä inde Amerikan xärbilären Törkiädä urnaştıru mäsäläse tawışqa soñraq quyılırğa mömkin. Cemil süzlärençä, parlament şulay uq, Törek xärbilärenä Ğiraqqa kerü mäsäläsen dä tikşeräçäk:

audio: Parlamentqa cibärelgän qarar ike öleştän tora, di Cämil. Berençese – Törkiä xärbilären çitkä cibärü, ikençese – çit il ğäskärläreneñ Törkiä aşa uzu, yä anda urnaşu mäsäläse. Älegä söyläşülär däwam itä, näticälär bulğaç, xäbär iterbez.

Amerikan xärbilärenä Törkiädä uranşırğa röxsät birelgän oçraqta, Waşington Ankarağa milliardlağan dollar yärdäm häm kreditlar wäğdä itkän ide. Läkin, ike atna elek, Törkiä parlamentı moña qarşı tawış birde. BügenTörkiäneñ İqtisad ministrı Ali Babacan, Waşingtonnıñ ul täqdime inde köçennän çıqtı, dip belderde. Ul täqdim Törkiäneñ “tulı xärbi xezmättäşlegen” küz aldında tota ide, dide ul.

Kilgän xäbärgä qarağanda Törkiä premier-ministrı Recep Tayyip Erdoğan Ğiraqqa xöcüm itkän Amerikan oçqıçlarına Törkiä kügenä kerü röxsät itelsä dä, xärbi nığıtmalarnı qullanu, xättä yağulıq alu öçen tıyılğan bulaçaq, dip äytkän.

XS
SM
MD
LG