Accessibility links

шимбә, 10 декабрь 2016, Казан вакыты 17:35

Tatarstanda ber yulı ike çibärlek bäygese ütte


Sişämbe könne, Qazanda «Tatar qızı 2003» digän bäyge ütsä, Tatarstannıñ Ätnä rayonında «Näwrüz Güzäle» bäygeseneñ berençe öleşe bulıp uzdı.

Qazan milli mädäni üzägendä ütkärelgän bäygedä mäktäp yäşendäge qızlar ğına qatnaştı. Alar iñ berençe çiratta tatar telendä matur itep söyläşergä, milli azıqlarnı osta itep peşerä belergä tieş bulğan. Bu taläplärgä Qazannıñ 2-nçe gimnaziä uquçısı Albina Möxämmätşina tulısınça turı kilä, dip tabılğan. Ciñüçe bularaq ul bäygeneñ aqçalata bülägen 15 meñ sum alğan. Alay ğına da tügel, juri äğzäse, cırçı Golzada Safiullina qıznı «Söyembikä warisları» bäygesendä qatnaşırğa çaqıra.

Ä Tatarstan rayonnarında «Näwrüz güzäle» bäygese bara. Anıñ yomğaqlaw öleşe april ayında bulaçaq häm törki xalıqlarnıñ urtaq bäyräme Näwrüzgä bağışlanaçaq.

Bikä Timerova, Qazan

XS
SM
MD
LG