Accessibility links

Кайнар хәбәр

Vladimir Putin: AQŞnıñ Ğiraqqa qarşı höcümen ber niçek tä aqlap bulmıy


Rusiä prezidentı Vladimir Putin bügen Amerika Quşma Ştatlarnıñ Ğiraqqa qarşı höcümen ber niçek tä aqlap bulmıy, dip kiçekmästän xärbi çaralarnı tuqtatırğa çaqırdı. Suğışnı Putin “zur säyäsi xata” dip atadı. Kremldä ministrlar aldında çığış yasap, Rusiä prezidentı –Ğiraq suğışı -qarşılıq beldergän cämäğätçelek fikere, xalıqara qanunnar häm Berläşkän Millätlär Oyışmasınıñ Xartiäsenä qaramastan alıp barıla, dide. Putin, nizaqnı çişügä Berläşkän Millätlärneñ İminlek Şurası totınırğa tieş, dip sanıy. Rusiä Ğiraqqa qarşı köç qullanuğa kisken qarşı bulğanın belderep kilde. Fransiä häm Germaniä belän berlektä Rusiä, Berläşkän Millätlär Oyışmasında Ğiraqqa suğış başlawnı röxsät itkän nindi dä bulsa rezolyutsiäne qabul itügä aldan uq qarşılıq beldergännär ide.
XS
SM
MD
LG