Accessibility links

шимбә, 3 декабрь 2016, Казан вакыты 20:44

Yevropa Parlamentı çirattantış utırışqa cıyıla


Yevropa Berlege prezidentı wazifasın ütägän Gretsiä Yevropa Parlamentınıñ çirattantış utırışında bügen Ğiraq suğışı arqasında Yevropa Berlege belän Amerika Quşma Ştatları arasında mönäsäbätlär bozıldı, dip belderde. Fiker ayırmalıqların beterer öçen taraflar arasında açıq söyläşü kiräk, dide Gretsiä tışqı eşlär ministrı George Papandreou. Berläşkän Millätlär Oyışması xalıqara nizaqlarnı çişüdäge urnın qaytarırğa tieş, dide ul. Berlektäge 15 äğza Ğiraq suğışı mäs’äläsendä ike törkemgä bülende. Papanderou süzlärençä, Yevropa Berlege berdäm iminlek häm tışqı säyäsät buldıru mäs’äläsendä tağın da kübräk eş başqarırğa tieş. Bügen kiçen Brüsseldä Berlek citäkçeläre oçraşıp Ğiraqtağı humanitar wazğiätne tikşerä häm suğışqa qaramastan Yaqın Könçığışta totrıqlılıqnı saqlap qalu yaqların qarıy.

Yevropa Berlegeneñ tışqı säyäsät başlığı Javier Solana Berlek citäkçeläre oçraşuı aldınnan Amerika Quşma Ştatlarına , suğışnı mömkin qadär qısqa totırğa dip möräcäğät itte: Suğışnı mömkin qadär tizräk beterep, suğışqa ber qatnaşı bulmağan xalıqnıñ ğazapların tuqtatu-töp burıç. Häm Yevropa Berlege isemennän bez bu xaqta möräcäğät yasarğa telibez, dide Javier Solana. Şunda uq, Brüsseldä bügen NATO äğzaläre wäkilläre cıyıldı.

XS
SM
MD
LG