Accessibility links

дүшәмбе, 5 декабрь 2016, Казан вакыты 07:29

Ğıraq suğışında sonğı täräqqiät


Xabärlärgä qarağanda AQŞ vä Britan köçläre bugen könyaq Ğıraqtan ällä ni qarşılıq kürsätügä oçramıy ilneñ eçke yaqları Bagdad häm Basrağa taba bara. Britaniä saqlanu ministırı Hoon süzlärençä comğa irtän strategik yaqtan möhim Fau yarımutrauı alınğan. Comğada Britaniedän B-52 bombalauçı oçqıçlarınıñ Farsı Qultığına taba yulğa çığuı , kötelgän köçle bombalau başlanaçaqmı? digän soraularğa säbäp bulıp tora. Xalıqara yardäm oyışmaları xumanitar krizis kötä dip belderä.

Britan xärbiläre startegik yaqtan möhim al fau yarım utrauın alğan,ämma kuwait çigendäge Umm Qasr porıtn aluda köçle opozitsiegä duçar bulğan. Britan saqlanu ministırı Hoon Parlamentta yasağan çığışında (audio) AlFau yarım utrauı planlaştırılğanıça neft infrastrukturasına zian kitermi 40desant tarafınnan alındı ,şulay itep rejimnıñ Farsı Qultığında tabiğıy häläkät buldıru omtılışı tuqtatıldı.

Hoon tağı bezneñ sonğı mäğlümätkä qarağanda Könyaqta Ğıraqtağı yözlärçä neft qoyısınıñ 30-dan artığı yaña , älege operatsieneñ mäqsatı şundıy cimergeç eşlärne tuqtatu dip söyläde.Saqlanu ministırı G. Hoon parlamentta yasağan çığışında (audio) ciröste höcüme irtängä qarşı 3tä koalitsion köçlärneñ Kuweit-Ğıraq çigen ütüe belän başlandı. 7nçe brigadanıñ ike törkeme çittän yaqlau birä. añlaubızğa kürä qatı qarşılıq kürsätü bulğan , 7nçe brigada ğıraq köçläre belän qorallı bäreleşlär alıp barğan. Suğış başlanğannan soñ yuğaltular da buldı. Comğada könyaq Ğıraqta AQŞ nıñ ber soldatı häläk buldı. Tönnä boralaqnıñ töşep cimerelüe näticäsendä 4amerikan 8 britan ğäskärie ülde. Boralaq texnik säbäplärdän töşte. AQŞnıñ 3nçe ciröste diviziäse belän bergä tank häm törle höcüm cihazlarınnan torğan zur konvoy tönyaqqa taba bara. Şul diviziägä berketelgän jurnalistlar arasında azatlıq xabärçese Ron Synovitz bar. Synovitz (audio) : Minem kürgän ğıraqlıılar beduinnar ğına ,alarnıñ kübese instruksielärgä kileşle xäräkät itä. Alar öylärendä yäki çatırlarında torırğa , qulları belän selkmeskä (nindier qoral kütärgän digän täsir qaldırmasqa tieş ide ) bez kürgän ir at häm xatın qızlar AQŞ xärbilären qul bolğap sälämläde. Bezneñ älegä doşman belän bernindi elemtäbez bulmadı.Bez yulda ağaçtan eşlängän bik küp tank, maşina BTRlar kürdek, amerikan xärbiläre alarğa ut açtı. Televidinie könyaq Ğıraqta AQŞ vä Britan köçlärenä birelgän Ğıraq soldatların kürsätä. Korespondentlar Könyaqta Basra häm tönyaqta Musul şährendä qatı şartlaular buluı turında xabär itä. Atnakiçtä suğış Saddam Xösäinne häm yardämçelären yuq itü mäqsatında hava höcüme belän başlandı. Saddamnıñ isän, ülgän yäki yaralanğan buluı turında törle farazlar yöri.Ğıraq informatsie ministırı al Sahaf (audio) AQŞvä Britan köçläre prezident Saddam Xösäin ğailäseneñ yortın hädäf itep aldı, Alla alarnı saqladı, alar isän. Comğada Britaniedäge bazalarınnan yulğa çıqqan B-52 bombalauçı oçqıçlarnıñ missiese turında belderü yasalmasa da, bälkim dä bu AQŞnıñ ‘şok vä dähşät’ dip atağan höcümneñ yaqınlaşuına işaräder. Dönya cämäğätçelegeneñ kürsätkän qarşılıq bälkim dä ike kiç çiklängän hava höcümnärenä säbäp bulğandır .Şotlandie Universitetında konfliktlarnı tikşerü programması direktörı James Wyllie ‘şok vä dähşät’ bombalauı bulaçaq ämma bu eleke suğıştağı kebek küpläp sivil xalıqnı ütermäs öçen saqlıq kürsäteläçäk di. Ul şulayuq AQŞ häm Britanie Ğıraq armiäseneñ zur öleşen dä saqlap qalırğa teli dip äytä Wyllie fikrençä(audio) suğıştan soñ,irekländerüçe anglo-amerikan köçlärenä zur näfrät belän qaramağan Ğıraq armiäse bälkim dä bik kiräk bulçaq. Armiä ildä tärtip saqlau öçen qullanıla ala. Bu alarğa birelü öçen etärgeç bulıp tora.Alar şunduq yuq itelmäsä,alar bireläçäk bu Ğıraq cämäğäçelege öçen genä tügel ä dönya aldında da yaxşı küreneş bulaçaq. Bagdadtta xalıqara qızıl xaç oyışması berençe hava höcümnärendä ber keşe ülde 14 keşe yaralandı dip belderde.

Färidä Xämit, Praga
XS
SM
MD
LG