Accessibility links

Кайнар хәбәр

AQŞ citäkçelegendäge xärbi köçlär Bağdad häm Basra şähärlärenä taba xäräkät itä


Amerika Quşma Ştatları häm Britaniä xärbi köçläre bügen Ğiraqnıñ könyağınnan Bağdad häm Basrağa qadär yulların däwam itte. Bügen irtän Britan ğaskärläre Ğiraqnıñ könyağındağı möhim strategik Faw yarım utrawın kontrolgä alğan. Bu xaqta Britaniä saqlanu ministrı Geoff Hoon xäbär itte. Kuwait çik buyında Ummr Qasr portınnan könbatışqa taba bäreleşelär bulğan. Ğiraq ğaskärläre Amerikannar häm Britan xärbiläreneñ ber törkemen qamawğa eläkterde digän xäbärlär bar. Quşma Ştatları räsmiläre bügen ber amerikan xärbi diñgezçese üterelde , dip xäbär itte. Uzğan töndä töbäktä amerikan boralağı cimerelep töşte. Näticädä 8 britan häm 4 amerikan xärbie häläk buldı. Ğiraqnıñ räsmi İNA mäğlümat agentlığı kiçä Bağdadqa yasalğan xärbi hawa höcümnäre näticäsendä tınıç xalqıtan 37 keşe häläk buldı, digän mäğlümat tarattı. Quşma Ştatlarnıñ B-52 bomba oçqıçları könbatış Britaniädän yulğa çıqtı. Saqlanu ministrlığı tonnalağan bomba kütärä alğan bu oçqıçlarnıñ qaya yünälgän buluların äytüdän baş tartı. Kuwaitnıñ räsmi mäğlümat çaraları bügen Ğiraq atqan kimendä ber raketanı könbatış Kuwaitta Amerikan raketaları bärep töşergän. Häläk buluçılar turında xäbärlär yuq. Ğiraqnıñ könyağında neft qırları yanuı turında xäbärlär bar. Läkin bu alarğa Ğiraq xärbiläre ut törtkänme yäisä bu-ğadäti neft yanuımı-bu turıda da tulıraq mäğlümat älegä yuq.
XS
SM
MD
LG