Accessibility links

пәнҗешәмбе, 8 декабрь 2016, Казан вакыты 06:58

Ğiraq suğışına qarşı protest çaraları däwam itte


Quşma Ştatları citäkçelegendäge xärbi köçlärneñ Ğiraqqa qarşı alıp barğan suğışına rizasızlıq belderer öçen dönya buylap uram cıyınnarı däwam itte. Kiçä Amerika Quşma Ştatlarında demonstratsiälär waqıtında meñ yarım keşe qulğa alınğan. Australiäneñ Melbourne şähärendä Ğiraqta suğışnı tuqtatunı taläp itep 5 meñgä yaqın keşe uramnarğa çıqtı. Meñlägän keşe Tokyo uramnarında cıyılğan. Quşma Ştatlarnıñ San Franciscoda şähär üzägendäge uramnarnı üz kontrolenä alıp täräzälärne watqan, tärtipsezleklär oyıştırğan meñlägän keşe häm politsiä arasında bäreleşlär buldı. Yemendä cıyılğan 30 meñgä yaqın keşe belän politsiä arasında bulğan bäreleşlär näticäsendä kimendä 1 keşe häläk bulğan dip xäbär itelä. Şulay uq Misır başqalası Qahirädä häm Törkiädä dä uram cıyınnarı tınıç uzmağan. İslamabadta Paqstannıñ dini xäräkätläre xalıqnı uram cıynnarı oyıştırırğa çaqırdı. İñ zur uram cıyınnarı Multan häm Lahore şähärlärendä uzdı. Möselman firqalären berläştergän Muttahida Majlis-e-Amal törkeme iñ zur protest çarasın Lahore şähärendä yäkşämbe köngä planlaştıra. Yäkşämbe-Paqstannıñ milli bäyräme. Amerikan prezidentı George Bush Paqstanğa bäyräm qotlawların cibörde. Şulay uq premyer-ministr Zafarullah Khan Jamali’ğa Bush , terrorğa qarşı suğışta Paqstannıñ yaqlawı öçen räxmät äytep ayırım xat cibärde.

XS
SM
MD
LG