Accessibility links

шимбә, 10 декабрь 2016, Казан вакыты 19:46

Mintimer Şäymiev Sergey Kirienkonı qabul itte


İnde xäbär itkänebezçä, Qazanda Rusiä prezidentınıñ İdel buyı federal' okrugındağı tulı wäqälätle wäkile Sergey Kirienko bulıp kitte.

Bu yulı Sergey Kirienko belän Prezident Mintimer Şäymiev oçraştı häm dä “Qazan yärminkäsendä” Rusiä buyınça uza torğan “1000 eşmäkär” isemle yäş idäräçelär äzerläw programmasın täqdir itüdä qatnaştı. Älege çara kiläçäkne uylap oyıştırılğan ide. Çönki anda süz qayçandır neft betkäç, başlanaçaq tormış turında bardı. Ul çorda töp baylıq belem, aqıl bulırğa tieş. Yäş idäräçelärne äzerläw inde bügen ük kön tärtibendä tora.

Xäterläre nıq säyäsätçelär xäterlilärder, Sergey Kirienko belän Mintimer Şäymiev mönäsäbätlären moña xätle dustanä dip atap bulmadı. Ber yaqtan, monda Tatarstan prezidentınıñ federal' okruglarnı idärä itüdä artıq basqıç, yäğni arbanıñ bişençe tägärmäçe diebräk qabul itüe dä säbäpçe bulğandır. Küräseñ, fikerlär üzgärä başlağan. Näticädä, Tübän Novgorodtağı Rusiä Prezidentı wäkile Qazannan yaxşı käyef belän qaytıp kitte.

XS
SM
MD
LG