Accessibility links

пәнҗешәмбе, 8 декабрь 2016, Казан вакыты 21:24

Amerikan xärbiläre Nasiriä şähären aluwın belderä


Amerikan xärbiläre bügen Ğiraqnıñ könyağında, Ğifrat yılğasında urnaşqan Näsiriä şähären aluın belderde. Basra tiräsendä bäreleşlär däwam itä. Koalitsiä oçqıçları Bagdadnı qabat utqa tottı. Ğiraqnıñ Sälämätlek saqlaw ministrı Ömet Midhät Möbäräk süzlärençä, uzğan töndä bulğan xöcümnär näticäsendä 3 keşe xäläk bulğan, 200-dän artığı yaralanğan. Britaniä saqlanu ministrı Geoff Hoon süzlärençä,

Audio: Xärbilär ğadi xalıq arasında qorbannar mömkin qädär azraq bulsın dip tırışa. Min monı şäxsän üzem kontrol itäm, di Geoff.

Näq şul süzlärne, bügen üzeneñ berençe matbuğat oçraşuın ütkärgän, Ğiraq operatsiäse belän citäkçelek itüçe general Tommy Franks ta äytte. Bu kampaniä moñarçı tarixta bulmağan kampaniä bulaçaq dide ul: Audio

Franks süzlärençä, bar närsä plannaştırğança bara, awırlıqlar äle bulırğa mömkin, läkin axır näticä şik uyatmıy, dide ul. Saddamnıñ qayda ikänen ul belmim dide.

Amerikan räsmiläre, şulay uq Ğiraqnıñ 51-nçe diviziäse birelde dip belderde. Läkin Ğiraqnıñ Mäglümät ministrı Säet Äl-Sahaf bu xäbärne kire qaqtı.

XS
SM
MD
LG