Törkiä xärbiläre häm Ğiraq kördläre, Törek ğäsqärläre Tönyaq Ğiraqqa kerde digän xäbärlärne kire qağa. Törkiäneñ General Ştabı meñnän artıq Törek xärbie Ğiraqqa kergän digän xäbärne yalğan dip atadı. Ğiraqnıñ tönyağında urnaşqan Arbil şähärendä cirle Körd räsmie Hoşiär Zäbari bu töbäktä ber Törek xärbie dä yuq dip äytte. Bügen irtä belän Britaniä saqlanu ministrı Geoff Hoon keçkenä sanda Törek xärbiläre tärtip saqlaw maqsatı belän Körd cirlärenä kerde, digän ide. Kiçä Törkiä Tışqı eşlär ministrı Abdulla Gül, qaçaqlar ağımın tuqtatu häm teror ğämällären buldırmas öçen töbäktä Törek xärbiläre urnaştırılaçaq, digän ide. Monnan tış Ankara kördlärneñ Ğiraq suğışınnan faydalanıp, bäysez Körd däwläte tözüennän qurqa.
