Accessibility links

якшәмбе, 4 декабрь 2016, Казан вакыты 19:17

Çeçnyada referndumğa qarşı miting uzdı


Bügen Çeçnya başqalasında referndumğa qarşı miting uzdı. Bezneñ xäbärçebez äytüençä, anda 400-läp keşe qatnaşqan. Alar, xärbi ğämällär tuqtalmağan wazğiättä referendum ütkärüne mäğnäsezlek dip sanıy. Yaña konstutusiä mäsäläsendä referendum irtägä ütäçäk. Tawış birüdä 540 meñ Çeçnya xalqı häm 36 meñ Rusiä xärbie qatnaşaçaq. Uzğan töndä Çeçnyanıñ berniçä awlında saylaw urınnarına xöcümnär yasaldı. İke militsiä xezmätkäre yaralanğan. Groznıyda fugas şartlaw näticäsendä ber cirle keşe xäläk bulğan, 5-e yaralanğan, şularnıñ 3-e Rusiä xärbiläre.

Bügen Groznıyda 46 çeçen suğışçısı qoral taşlağan. Çeçnya administratsiäse başlığı Äxmät Qadırov – alarnıñ berse dä xökem itelmiäçäk, dip wäğdä itte.

XS
SM
MD
LG