Accessibility links

чәршәмбе, 7 декабрь 2016, Казан вакыты 13:36

Bagdadqa taba xäräkät itkän koalitsiä köçläre bügen yulnıñ yartısın ütüläre turında xäbär itte


Quşma Ştalarnıñ hawa köçläre generalı Daniel Leaf, Ğiraq kapmaniäse kötelgännän tizräk bara dip äytte. Ämmä berniçä urında Ğiraq xärbiläre koalitsiä köçlärenä citdi qarşılıq kürsätä. Bügen bezneñ xäbärçebez Nacaf şähäre tiräsendä qatı bäreleşlär turında xäbär itte. Nacaf şähäre Basra-Bagdad yulında, başqaladan 165 çaqırım yıraqlıqta urnaşqan. Şul uq yuldağı Äs-Samawa şähären dä bäreleşlär bara. Monnan tış bäreleşlär berniçä kön elek alınğan Umm Qasr portı yanında bara. Kolaitsiä köçläre anda östämä tanklar häm oçqıçlar cibärde.

Ğiraqnıñ vitse prezidentı Taha Yasin Ramadan, Amerikan xärbiläre suğışnıñ ciñel baruwı belän aldanmasınnar, alarğa köçle qarşılıq kürsäteläçäk, dip belderde.

Berniçä säğät elek Amerikanıñ B-52 bombalaw oçqıçları Britaniäneñ Fairford xärbi nığıtmasınnan kütärelep Ğiraqqa taba yul aldı. Könbatış telekompaniäläre monı turı efirda kürsätte. Ğiraq räsmiläre kolaitsiä köçläreneñ 5 oçqıçın bärep töşerülären belderde. Amerikan xärbiläre monı kire qağa. Ğiraq televideniese bügen Saddam Xösäinneñ xärbi citäkçelär belän ütkärgän oçraşuwın kürsätte. Utırışnıñ qayçan ütkäne äytelmi.

XS
SM
MD
LG