Xaılqara Qızıl Xac oyışması – Ğiraqnıñ Basra şähärendäge wazğiät öçen borçılu belderde. Oyışmanıñ Genevadağı süzçese Nada Doumani uzğan töndä bu şähärgä bulğan hawa xöcümen “çamadın-tış” dip atadı. Anıñ süzlärençä, oyışmanıñ Basradağı xezmätkärläre xastäxanälärgä darular häm su kiterä. Ğiraq räsmiläre äytüençä, bu şähärgä bulğan xöcüm näticäsendä ülüçelärneñ sanı 77-gä citkän.
