Accessibility links

шимбә, 10 декабрь 2016, Казан вакыты 09:55

Berniçä ildä Ğiraq suğışına qarşı demonstratsiälär ütte


Avstralia häm berniçä Aziä ilendä bügen Ğiraq suğışına qarşı demonstratsiälär ütte. Sydneyda ütkän çarada 50 meñ çaması keşe qatnaştı. Alar Ğiraqqa cibärelgän 2 meñ Avstraliä xärbien qaytarırğa taläp itte. İndoneziä başqalası Jakartada yözlägän keşe Amerikan ilçelege qarşında Amerikan bayraqların yandırdı. Protest çaraları şulay uq Bali häm Java utrawlarında ütte. Quşma Ştatlar däwlät departamentı Amerikan watandaşlarına qarşı yaña teror ğämälläre ixtimal dip, alarnı İndoneziädän kitergä çaqırdı. Äfğanstannıñ Lağman töbägendä ütkän qarşılıq aksiäsendä meñgä yaqın keşe qatnaştı. Bu Äfğanstanda, Ğiraq suğışına qarşı berençe protest çarası buldı. Demonastratsiälär şulay uq Paqstan, Misır, Bangladeş, berniçä Yevropa ilendä ütte.

XS
SM
MD
LG