Accessibility links

җомга, 9 декабрь 2016, Казан вакыты 06:59

Ğiraq suğışında 5 kön: sonğı täräqqiät


AQŞ häm Britan köçläre Ğıraqta 5-nçe kön suğış alıp barğanda oçqıçlar ilneñ törle şähärlären bombaladı.Prezident Saddam Xösäin televidiniädä çığış yasap,xärbiläreneñ qarşılıq kürsätüen maqtadı. Tönyaq Ğıraqta qayber körd törkemnäre AQŞnıñ mäxsus köçläre belän bergäläp fundamentalist qorallı törkem Ansar al İslamnıñ xärbi bazalarına höcümgä äzerlänä.

AQŞ vä Britan oçqıçları bugen Kirkuk, Musul Xamxamalnı häm yañadan Bagdadnı bombaladı. Al Jazirä televidiniäse könyaqta Basranıñ da bombalanuı turında xabär itä. Könyaqta Nasiriya häm Umm Qasr şähärläre şulayuq Samawah tiräsendä dä qorallı bäreleşlär bara. AQŞ vä Britan räsmiläre koalitsie köçläre Ğıraq köçläre belän bäreleşülärgä qaramastan planlaştırılğanıça Bagdadqa taba bara dip belderde. Londonda saqlanu ministırı.G.Hoon kiçäge bäreleşlärdä amerikan soldatlarınıñ üterelü häm äsirgä alınuına ällä ni ähämiät birmi ( audio) Bez sannarı az iminlek köçläre yäki rejimğa yaqın torğan qayber törkem şulsanda yuğaltaçaq ber närsäse dä bulmağan Fedayini Saddam törkemeneñ aktivlıqların küräbez. Älbättä andıy qarşılıq kürsätü belän eş itü qıyın ,ämma çınbarlıq şul ki Saddam Xösäinneñ xakimiäte ilneñ zur öleşendä qaqşağan. Ämma bugen Saddam Xösäin televidiniedä çığış yasap britan häm amerikan köçlärenä başidergän xärbilären qotalap, (audio) qährämen ğäskärilärebez doşmannı cingän sayın, alar sezne bombalaunı arttıraçaq. Sabır irtegez, Alla aldında äxläki fazilät öçen , Allah böyek , sezneñ sabrığıznıñ näticäse ciñü bulaçaq . Saddamnıñ könyaqta Umm Qasr tiräsendä barğan suğışlarğa tuqtaluı, anda suğışqan generallärneñ isemnären sanap çığuı , anıñ isän buluına işarä dip bäyälände Koalitsion köçlärneñ qayber berlekläre Bagdadtan 80 çaqırım ğına yıraqta , başqaları ğıraqlılarnıñ qarşılıq kürsätüe säbäple totqarlandı. Yefrat yılğasın ütü punktındağı Nasiriyedä kiçä dä qatı bäreleşlär bulğan ide . Ğıraq televidiniäse anda üterelgän, äsirgä alınğan amerikan soldatların kürsätte.Ğıraq Bagdadtan 80 çaqırım könyaqta Kerbelada ike apaçi boralağın bärep töşerüen, pilotlarnı äsirgä aluın däğwä itä. Ğıraq mäğlümät minsitırı al Sahaf boralaqnı sivil keşelärneñ bärep töşergänen äytte (audio) berniçä awıl keşese ike apaçı boralağın atıp töşerde ,bez alarnıñ bersen Ğıraq televidiniäsendä kürsättek. Kiräk bulsa ike pilotnı da kürsäterbez. Amerikan räsmiläre ber boralaqnıñ yuğalğan buluın rasladı. Al Sahaf sonğı 24 säğättäğı bombalaularda 62 keşeneñ häläk buluın äytte. Xabärlärgä qarağanda tönyaq Ğıraqta Kirkuk şähre yaqınında kördlär belän ğıraq ğäskäriläre arasında qorallı bäreleşlär başlanğan. AQŞ oçqıçları Xamxamal belän Kirkuk arasındağı Ğıraq xärbi noqtaların bombaladı. Tönyaqta AQŞ yaqlı Kördistan patriotik berlege(PUK) tarafınnan kontrol itelgän zonağa amerikan mäxsus köçläre kiterelgän. Alar Ansar al İslamğa qarşı suğışta PUKqa yardäm itäçäk. Ansar törkeme 400 belän 700 arası suğışçığa iä. Alar arasında Afganstanda künegülärdän ütkän az sanda ğäräblär bulsa da, Ansar Al Qaida belän bäyläneşe buluın kire qağa. Comğa vä şimbädä AQŞ Ansar al İslamnıñ xärbi bazaların distälärçä cruise raketaları belän bombaladı. BBC bu zonada işetelgän qatı şartlaular PUK köçläreneñ zur höcüm öçen könyaqqa taba xäräkäteneñ başlanğıçı bula ala dip xabär itte Bu kampaniägä PUKnıñ 5meñ çaması peşmergä ( suğışçısı) 100dän alıp 200gä qädär AQŞnıñ mäxsus ğäskäriläre qatnaçaq dip kötelä dide BBC . Amerikan köçläreneñ başqa ber islamçı körd törkemen dä bombalağanı xabär itelä Ul Komalada İslami Kördistan törkemeneñ ofisların bombalağan. İran belän bäyleneşle bu törkem PUK belän Ansar al İslam arasındağı bik tar territoriene kontrolendä tota. Xalıq ara qızıl xaç oyışması qatı bombalanğan Basra şährendä 3kön ut su bulmawın , keşelärneñ xäle turında borçıluın belderde.

Färidä Xämit, Praga
XS
SM
MD
LG