Accessibility links

сишәмбе, 6 декабрь 2016, Казан вакыты 17:21

Ğiraqnıñ tönyağı utqa totıla, könyaqta AQŞ ğaskärläre Umm Qasr portın kontrolgä alır öçen suğış alıp bara


Ğiraq suğışınıñ 5nçe köne ilneñ tönyaqkönçığışındağı Kirkuk şähäre yanında Ğiraq kördläre häm Säddäm Xösäin yaqlı köçlär arasında qatı bäreleşlär belän başlandı.. Amerikan xärbi oçqıçları Çamçamal häm Kirkuk şähärläre, şulay uq Bağdad tiräsendäge Ğiraq pozitziälären utqa tottı. Al-Jazeera televideniäse amerikan bombaları şulay uq Basra şähäre yanında da şartladı, dip belderde. Könyaqta suğış Nasiriya häm Umm Qasr şähärläre tiräsendä bara. Azatlıq radiosınıñ könyaq Ğiraqtağı xäbärçese amerikan köçläre As-Samawah şähäre yanındağı Ğiraq pozitziälären utqa tottı dip belderde. Londonda, Britaniä saqlanu ministrı Geoff Hoon, xärbi kampaniä planlaştırılğança bara, kötelgänçä, qaywaqıt Ğiraq köçläreneñ qarşı toruı küzätelä, dide. Koalitsiä köçläreneñ qayçan Bağdadqa kilep citüläre tögäl bilgelänmgän, dide Hoon. Ğiraqnıñ mäğlümat ministrı Mohammäd Said al-Sahaf, Ğiraq xärbi hawa köçläre 2 amerikan boralağın bärep töşerde, dip xäbär itte. Ğiraq belderüenä qarağanda soñğı 24 säğat eçendä 62 keşe häläk bulğan, 400dän artığı cärähätlängän.

XS
SM
MD
LG