Accessibility links

якшәмбе, 11 декабрь 2016, Казан вакыты 11:15

Ğiraq televideniäse Säddäm Xösäinneñ üz xalqına möräcäğäten tapşırdı


Bügen Ğiraq televideniäsendä Ğiraq citäkçese Säddäm Xösiän xalqı aldında çığış yasadı. Säddäm Ğiraq xalqın Amerikan häm Britan köçlärenä qarşı köräşne şulay uq däwam itergä çaqırdı. Ciñügä ireşer öçen sabırlıq kiräk, dide Ğiraq prezidentı. 20 minut çığışı waqıtında Säddäm yanında anıñ ulı Qusay da kürsätelde. Amerikan häm Britan räsmiläre älege çığış aldan töşerelgän bulırğa mömkin, Säddämgä Bağdadnı bombalaw waqıtında ziyan kilmägän bulunı añlatmıy, dip belderde. Waşingtonda, Aq Yortnıñ matbuğat wäkile Ari Fleischer, Säddämneñ bu çığışınıñ küptän tügel genä yazılğan buluına ışanıp betmäwen äytte. Üzeneñ isän buluın isbatlaw maqsatı belän Säddäm küptän tügel Umm Qasra şähärendä bulğan bäreleşlärne iskä aldı.

Kuwaitnıñ yanğın sünderüçeläre könyaq Ğiraqta yanğan 7 neft qoyısınıñ bersen tapqannar, dip xäbär itelä. Kuwait neft sänäğateneñ yuğarı räsmiläreneñ bsre-ber qoyıda yanğın sünderelgän, dip belderde. Ğiraqnıñ Kuwait belän çik buyında bulğan Rumaila neft qırında yanğan başqa qoyılarnı äle tabası bar. Amerikan köçläre bu eştä yardämgä Kuwaitnıñ Neft Kampaniäsen çaqırdı.

XS
SM
MD
LG