Accessibility links

дүшәмбе, 5 декабрь 2016, Казан вакыты 07:41

Ğıraq suğışı aldan äytelgäneçä şoma ğına baramı?


Suğışnıñ 6.könendä AQŞ citäkçegendäge köçlär Bagdadqa yaqınlaşqanda ğıraqlılarnıñ qarşılıq kürsätüe däwam itä.AQŞ xärbiläre bugen könyaqta strategik şähär Nassiriya häm Yefrat yılğasın ütkänçe ğıraq xärbiläre belän bik qatı qorallı bäreleşlär bulıp aldı. . AQŞ boralaq häm oçqıçları başqalanı saqlağan respublika saqçılarına qatı höcümnär oyıştıra. Anglo-amerikan köçlärneñ qayber urınnarda kötelmägän qarşılıq kürsätü aldında qaluı, Basra kebek şähärlärdä buluı mömkin humanitar häläkät Ğıraq suğışında här närsäneñ AQŞ administratsiäseneñ aldan äytkäneçä şoma ğına barmauın kürsätä.

Qayber urınnarda barğan qatı qorallı bäreleşlär, Ğıraqnıñ qarşılıq kürsätüe şunduq yuqqa çığaçaq digän ömedlärne yuq itte.Gärçe räsmilär här närsä planlaştırılğança bara dip beldersä dä, Amerika şulayuq Britanie cämäğätçelege kübräk AQŞ administratsieseneñ Ğıraq rejimı qaqşağan, armiäneñ zur öleşe suğışmi bireläçäk , xalıq ilgä bärep kerüçelärne sälämläp qarşı alaçaq digän belderülärenä ışanğan ide. Ämma däwam itkän qorallı bäreleşlär monıñ kiresen kürsätä.Nasiriä şährendäge Ğıraq köçläre yäkşämbedän birle amerikan dingez pixotasına şähärgä kerü mömkinçelege birmäde. Tanklar, BTRlardan torğan konvoy Yefrat yılğası östendäge ike küprne aldı. Bagdadqa barğan yaña yul öçen bu zarur ide. Konvoy qatı ut asıtnda qalğaç Kobra höcüm boralaqları artilerie utı belän cawap qaytarıldı. Kiçädän birle barğan bäreleşlärdä 7amerikan soldatı üterelde. Korrespondentlar Nasirie çitendä in kimendä 30ğıraqlınıñ mäyeten kürdek, alar boralaq utında ülgän bulırğa tieş dip belderde.İntihar häcümnäre kötelgän närsä ide . Bugen Könyaqtağı Fau utrauında ber ğıraqlı üzen häm ber tanknı şartlattı Korrespondentlar Bagdad ,Basra kebek şähärlär bugen dä bombalandı dip belderä. Al Jazire televidiniese koalitsie oçqıçları ütkän töndä Basrağa cluster bombaları taşladı dip belderde.Qatardağı Britan xärbi süzçese ,britan ğäskärilären Basrağa kertergä cıyınmıybız , alar anda Saddam fedayennäre belän suğışırğa mäcbür qalaçaq dip äytte. Elegeräk britannarnıñ şähärgä keräçäge turında işarälär bar ide. Basra yaqınında ikençe britan soldatı üterelde bugen . Ğıraqnıñ ikençe zur şähre Basrada azıq tölek, su, elektrğa qıtlıq .. Xalıqara oyışmalar ber millionlıq şähär humanitar katastrofa aldında tora dip kisätep kilä.BMOnıñ balalar fondı UNİCEFF 100meñ bala çir xästälek qurqınıçı aldında tora dip yanadı. Britanie bugen Umm Qasr portın açıq häm imin dip iğlan itte.Portqa humanitar täminatnıñ 48säğät eçendä kiterelüe mömkin ikän. Bu portta da könnärdän birle alınğan dip belderelep kilde.Şul arada başqaladan 100 çaqırım ğına yıraqta torğan koalitsie köçläreneñ boralaq, oçqıçları şähärne saqlağan cömhöriät saqçıların bombalıy .Şähär tiräsendä qatı şartlaular turında xabär itelä. AQŞ general ştab başlığı general Meyer qatı suğışlar äle alda dip äytte . Britanie premiere Blair da qarşılıq kürsätügä beräü dä şaqqatmasqa tieş dide .Blair süzlärençä(audio)

İraqnıñ iminlek aparatı Saddam Xösäin rejimın yaqlıy.Beräü dä qorallı köçlärneñ ber öleşeneñ suğışırğa qararlı buluına şaqqatmasqa tieş.alar rejim cimerelsä, ul cimereläçäk , alarnıñ baraçaq urını yuq.

Blair tağı AQŞnıñ 5nçe korpısı Kärbäläğä yaqınlaşa dip äytte. Alarğa Cömxäriät saqçılarınıñ Mädinä diviziäse qarşılıq kürsätä.Naçar hava şartlarına qaramastan Mädinä diviziäsenä qarşı köçle hava höcüme bara dip söyläde Blair. AQŞ armiäseneñ 3nçe ciröste diviziäsenä berketelgän jurnalistlar arasında azatlıq xabärçese Ron Synovitz tä bar. Diviziä älege waqıtta Bagdadtan 240çaqırım könyaqta As Samawah tiräsendä Synowitz (audio)

AQŞköçläre Saddamnıñ fedayennären häm Baath partiäseneñ qorallı äzğalaırn yuq itü mäqsatında xalıq yäşägän as Samawahqa yaqınlaşa .

Şähärgä höcüm qatı qom buranı astında bara. 10meterdän yıraqraqta ber närsä dä kürenmi. Armiä räsmiläreneñ xabärçebezgä belderüenä kürä, alar As Samawahnıñ başlıça şiğıy xalqın Saddam rejimına qarşı başkütärülären qıyulandıru öçen şartlar buldıraçaq. Şähärdä küpläp fedayennär bulğan öçen xalıq başkütärüdän qurqa dip uylanıla.Ämma naçar hava şartları bigräk tä qatı cil buran, ,Apaçı boralaqlarınıñ höcümen tuqtata xärbilär artilerie utı yaqlauı astında ğına şähärgä yaqınlaşa ala. Ğıraq mäğlümät ministırı al Sahaf Muthanna täbägendä barğan bäreleşlärdä 8 amerikan yäki britan soladatınıñ üterelgänen belderde. Bu älegä raslanmadı. Ministır ütkän töndä bombalanğan Bagdadta 16keşe ülde, 95keşe yaralandı dip äytte . Suğışnıñ 6nçe könendä qısqaça alğanda menä şundıy xällär bilgele.

Färidä Xämit, Praga
XS
SM
MD
LG