Accessibility links

якшәмбе, 4 декабрь 2016, Казан вакыты 11:25

Basra’da su tä’minatı yañartıla


Xalıqara Qızıl Xac komitetı Basra şähäre yanında xärbi çaralar waqıtında cimerelgän su qoyısın tözätä başlawı turında xäbär itte. Amerikan ğaskärläre häm Ğiraq köçläre arasında däwam itkän atışlar arqasında qızıl xac xezmätkärläre qoyı yanına bügen genä kilep citä alğan. Dönya Sälämätlek Oyışması, Basra şähäre xalqı monnan soñ da eçär susız utırsa şähärgä xolera epidemiäse yanıy dip beldergän ide.

Ğiraq bügen Quşma Ştatları häm Britaniäne, Berläşkän Millätlär Oyışması bülep birgän yardämne maxsus totqarlap Ğiraqta humanitar krizis tudıruda ğayepläde. Ğiraq Säwdä Ministrı Möhammäd Mähdi Oyışmanı Amerika Quşma Ştatları häm Britaniä tä’sirenä birelmiçä rizıq häm darularnı kiçekmästän Ğiraqqa keretergä çaqırdı. Berläşkän Millätlärneñ general sekretare Kofi Annan Ğiraqqa humanitar yardäm mäs’äläsendä bügen Quşma Ştatlar milli iminlek kiñäşçese Condoleezza Rice belän oçraşa.

XS
SM
MD
LG