Accessibility links

якшәмбе, 4 декабрь 2016, Казан вакыты 15:28

Koalitsiä köçläre Bagdadqa yaqınlaşa. Başqalağa töşkän 2 raketa distädän artıq sivil keşene üterde.


7kön däwam itkän suğışnıñ berençe qorbanı hiç şiksez çınbarlıq , xäqiqät buldı. Kiñ küläm mäğlümät çaraları üz aralarında yarışıp berbersenä qapma qarşı informatsie birgändä , suğışnı başlatuçılar här eş planlaştırılğança bara dip däğwä itä. Ämma başta äytelgäneçä elek kürelmägän modern, tögäl qorallar qullanılğan suğışta xärbi hädäflär genä cimereläçäk digän belderülärgä ,bugen Bagdadtta tınıç xalıq yäşägän maxallä, bazar bombalanğannan, distälägän keşe häläk bulğannan soñ ışanuçalar kimegänder .

Köne töne bombalanğan Ğıraq başqalasında irtänge säğätlärdä televidinie häm başqa kommunikatsiä üzäkläre hädäf itep alındı . Xalıqara jurnalistlar federatsiese Ğıraq televdinieseneñ hädäf itep alınuın xökem itte. Federatsiäeneñ general sekretarı Aidan White televidinie stansiese tapşırularınıñ 45 minut tuqtalıp toruı ,jurnalist häm kiñ küläm mätbuğat çaraları xezmätkärläreneñ psixologik suğışta qorban buluın kürsätä dip äytte.Amnesty İnternational stansie sivil obyekt, şunlıqtan bu bälkim dä Jeneva konvensiesen bozu bulıp tora dide. AQŞ räsmiläre televidiniägä höcüm Saddam Xösinnnıñ xalıq häm xärbilär belän elemtäsen özü mäqsatında yasaldı dip äytte.Qom buranı bıraz tınıçlana töşkäç höcümnär yañartılıdı . Koalitsie oçqıçları Bagdad tiräsen - cömhöriät saqçıları urnaşqan dip farazlanğan urınnarnı bombaladı.Köndez Bagdadtnıñ sivil xalıq yäşägän küp kenä kibetlär urnaşqan Al Şahab maxalläsenä ike cruise raketası töşep şartladı. Xabärçelär 14-15keşeneñ häläk buluın ,30lap keşeneñ yaralanuın , küp kenä binalarnıñ cimerelüen belderä. Bagdadtnıñ 160 çaqırım könyağında Nacaf şähre tiräsendä ütkän töndä bulıp alğan qatı qorallı bäreleşlärdä 150 belän 300 arasında ğıraqlı üterelde dip belderde AQŞ xärbiläre. Basrada başkütärü bara digän xabärlär kiçä kiçtän birle yöri, Al Jazirä televidiese tınıç , başkütärüne kürsätkän ber närsä dä yuq di şähärdä. Britanie premiere Blair çiklängän başkütärü baruına ışana . Premier başkütärüne qıyulandırğançı , AQŞ vä Britan xärbiläre , başkütärüçelärne Saddamğa turılıqlı soldatlardan saqlau öçen citärlek köçkä iä buluların garantiälärgä tieş dip söyläde.Blair bu turıda Waşingtonğa kiter aldınnan parlamentta belderdee. Britaniä saqlanu ministırı Hoon Saddam ğäskäiläreneñ başkütärüçelärne cazalandırırğa omtıluın beläbez dide . Hoon saddam rejimınıñ könyaq ğıraqta kontrolne yuğalta baruın äytte. Anıñ süzlärençä( audio) Rejim älegä cimerelmägän, Saddam Hösäin ğäskärläre qayber urınnarda qarşılıq kürsätä, ämma ul könyaq Ğıraqta kontrolne yuğalttı , Rejim könnäreneñ sanaulı buluın belergä tieş. Ğıraq informatsie minsitırı al Sahaf monı kire qağıp (audio) koalitsiä köçläre Umm Qasr tiräsendä barğan xällärne kürsätep cämäğätçelek fikren butıy . Alar Umm Qasrnı kontrol itülären äytä , nigezdä alar qultıq häm iskäläne genä kontrol itä. Alar böten Umm Qasrnı kontrol itälär digän täsir qaldıra ,bu däres tügel

Britaniä xärbiläre Basranı qamau astında tota .BMO, yardäm oyışmaları şähärdäge humanitar häläkät turında könnärdän birle söyläp kilä .Britanieneñ Qatarda As Sayliya lagerında leytinant polkovnik Ronnie McCourt bolay dide(audio) Bez Basrağa mömkin bulğan qädär tiz humanitar yardäm kertergä telibez. Bezneñ mäğlümätkä kürä, cirle xalıq bezne kürügä şatlançaq. AQŞ dingez pixotası bugen Nasiriädän 40çaqırım tönyaqta olı yulda ğıraqlılarnıñ qatı qarşılıq kürsätüe aldında qalğanın belderde.

Färidä Xämit, Praga
XS
SM
MD
LG