Accessibility links

сишәмбе, 6 декабрь 2016, Казан вакыты 13:20

Australiädän alıp İspaniägä qadär Ğiraq suğışına qarşı uram cıyınnarı uzdı


Bügen dönyanıñ ber-niçä ilendä Ğiraq suğışına qarşı uram cıyınnarı uzdı. Australiäneñ Sydney şähärendä meñlägän student çığış yasadı, politsiä belän bäreleşlär başlanğaç 18 keşe qulğa alınğan. Australiä xökümäte Ğiraq suğışına 2 meñ xärbien cibärde. Älege qararğa qarşı çığışlar ilneñ küp şähärlärendä uzdı. Läkin bügengä qadär uram cıyınnarı tınıç ütä ide. Politsiä belän bäreleşlär şulay uq Könyaq Koreanıñ Seul şähärendä dä buldı. Biredä Amerikan ilçelegenä höcüm itergä tırışqan 30 keşe qulğa alındı. İndonesiä başqalası Jakartada protest belderüçelär Quşma Ştatlar prezidentı George Bushnıñ räsemenä ut törtte. Anda 300gä yaqın keşe cıyılğan dip xäbär itelä. Uram cıyınnarı şulay uq İspaniä şähärlärendä dä uzdı.

XS
SM
MD
LG