Accessibility links

якшәмбе, 4 декабрь 2016, Казан вакыты 11:14

Törkiä Amerika belän kiñäşläşmiçä Tönyaq Ğiraqqa ğaskärlär kertergä cıyınmıy


Törkiä armiäse başlığı general Hilmi Özkök, Törkiä ğaskärläre tönyaq Ğiraqqa, anda östämä xärbilärgä ixtiyac tusa ğına keräçäk, dip belderde. Töbäktä Törek ğaskärläre 197nçe yıldan birle urnaşqan. General’ Ştab başlığı Hilmi Özkök, böten adımnar Quşma Ştatları belän kileşep eşlänäçäk, dide. Bezneñ strategik partnerıbız Amerika Quşma Ştatları töbäktä suğış alıp barğanın istä totıp, bez, böten eşlärne alar belän kileşterep eşliäçäkbez, häm añlaşılmawçanlıq tudırmas öçen böten çaralar küreläçäk, dide Törkiä xärbi köçläre başlığı general Hilmi Özkök Törkiäneñ bu qararın Ğiraq kördläreneñ Kurdistan Demokratik Partiäse xuplap çıqtı. Firqaneñ matbuğat wäkile Hoşyar Zebari, Änkaranıñ mondıy adımı Ğiraq-Törek çigendä totrıqlılıq buldırırğa yul salaçaq, dide. Yevropa Berlege Törek ğaskärläre Tönyaq Ğiraqqa kermäsä Änkarağa kiläse 3 yılda yardämne ike tapqır kübräk birergä wağdä itte. Ğiraqqa kerü Törkiä öçen Yevropa Berlege äğzase bulu tırışlıqlarına naçar tä’sir yasıyaçaq, dide Berlekneñ Kiñäyü eşläre öçen cawaplı komissiä başlığı Peter Ferhögen.

XS
SM
MD
LG