Accessibility links

пәнҗешәмбе, 8 декабрь 2016, Казан вакыты 09:01

Bağdadnıñ tınıç xalıq yäşägän rayonına raketa töşte. 14 keşe häläk bulğan


Bügen Amerika Quşma Ştatları citäkçelegendäge xärbi hawa köçläre Bağdad şähären bombalawnı däwam itte, Ğiraqnıñ tönyağında bäreleşlär bardı, könyaqtağı Basra şähären alu tırışlıqları däwam itte. Uzğan töndä Najaf şähärenä töşkän bombalardan berniçä yöz Ğiraqlı häläk buldı, dip xäbär itelä. Najaf-başqaladan 160 çaqrım yıraqlıqta. Basra şähärendä xakimiättäge Baath partiäsenä qarşı baş kütärü bulğan digän xäbärlär sürätendä Britaniä xärbi köçläreneñ matbuğat wäkile Kapitan Al Lockwood, ğaskärlär Basrağa “uñaylı waqıt citkäç keräçäk” dip belderde.

Al-Jazeera televideniäse Basrada baş kütärü bulğanına işarälär yuq, dip xäbär itte, Lockwood da bügen irtän-Basra uramnarı tınıç, dip belderde. Britaniä premyer-ministrı Tony Blair bügen prezident George Bush belän oçraşır öçen Waşingtonğa kiter aldınnan, Basrada çiklängän külämdä baş kütärü bulğan, dip belderde. Şuşı çaranı xuplağançı, Amerikan häm Britan ğaskärläre, baş kütärüçelärne Säddäm Xösäin köçlärennän saqlap qalırğa quäte bulğanına ışanırğa tieş, dide Blair. Uzğan töndä Amerikan oçqıçlarınıñ hawa höcümnäre näticäsendä cimerelep tapşıruların tuqtatqan Ğiraq telebideniäse yañadan eşli başladı. Bügen amerikan bombaları Bağdadnıñ tınıç xalıq yäşägän häm kibetlär bulğan rayonına töşte. Ğiraq ofitserı Hamad Abdullah, 14 keşe häläk buldı, 30ğa yaqını yaralandı, dip xäbär itte. Britaniä saqlanu ministrı Geoff Hoon, Ğiraqtağı xärbi çaralarda progress bar, dip belderde. Nizaqnıñ 6nçe köne tämamlanğanda, alğa kiteş bar, dip belderäbez. Xärbi planıbıznıñ töp maddäläreneñ berse bulğan -Ğiraq köçlären ciñü eşe-alğa bara. Faw yarım utrawı, Umm Qasr häm könyaqtağı neft qırları tınıç häm imin, bu töbäklärdä Ğiraq köçläreneñ qarşı toruı basıldı, dide Hoon.

XS
SM
MD
LG