Accessibility links

шимбә, 10 декабрь 2016, Казан вакыты 15:51

BMO Iminlek Şurası Ğıraqqa humanitar yardәm mәsәlәsen tikşerә.


BMOnıŋ general sekretarı Kofi Annan Iminlek Şurası ağzaların humanitar ixtiaclar hәm regional qurqınıçsızlıq sәbәple Ğıraq suğışı tirәsendәge fiker ay1ırmalıqların beterergә çaqırdı. Ul bu xaqta Şuranıŋ utırışın açqanda yasağan çığışında belderde. Iminlek Şurası Ğıraq mәsәlәsendә ayırmalıqlar bulsa da, neftegә azıq-tөlek programması өçen aftoritetnı Annan qulına tapşıru mәsәlәsendә kileşer dip kөtelә.

BMOnıŋ general sekretarı Kofi Annan, Iminlek Şurasın , Ğıraq suğışı sәbәple fiker ayırmalıqların beterә almağan xәldә, regiondağı problemmalarnı xәl qılu sәlәten yuğaltaçaq dip kisәtte.

Audio

"Bez tirәn ayırmalıqlar mizgelendә yәşibez. Bu beterelә almağan xәldә monıŋ xalıqara sistemağa hәm dәvlәtlәr arasındağı mөnәsәbәtlәrgә citdi tәsire bulaçaq."

Annannıŋ süzlәrençә, Ğıraqlılarnıŋ humanitar ixtiacların qaplau өçen Şuranıŋ berdәmlege şart. Şura şulay uq Yaqın Kөnçığıştağı kebek problemmalı regionnarda tınıçlıq buldıru rolen yaŋadan uynarğa tieş. General sekretarnıŋ fikerençә, Ğıraqnı qoralsızlandıru metodı mәsәlәsendә Şuranıŋ kileşә almauı dөnyada küplәrdә küŋel qaytuğa sәbәp buldı . Xәzer anıŋ aldında bik mөhim mizgel tora dip tә әytte.

Audio

"Suğış niçek kenә tәmamlanmasın Ğıraq xalqınıŋ bik küp ixtiacların qәnәnğәtlәnderü mәsәlәsen xәl itәrgә kirәk. Humanitar yardәmnәn tış başqa mәsәlәlәrdә Iminlek Şurasınıŋ mandatı kirәk."

Şura ağzaları üzara fiker ayırmalıqların beterügә taba baruların hәm yaŋa 45 kөnnek neftegә azıq-tөlek digәn programma өçen aftoritetnı general sekretar byurosına tapşırunı yaqlap tauış birergә ciınuların belderdelәr. Uzğan atnada şuşı programma tuqtatılğançığa qәdәre ul Iraq xalqınıŋ 60 protsentın tәmin itә ide. Iminlek Şurası ağzaları Fransiә, Russiә, Qıtay hәm Siriә , AQŞ hәm Britaniәneŋ programmanı üzgәrtü turındağı tәqdimen, ul Ğıraqnı xәrbi okkupatsiәlәvne qanunlaştıra dip kire qaqtılar. Lәkin, alar qısqa mөddәtle tik humanitar yardәmne genә küz aldında totqan yaŋa rezolutsiә kilәse ber-ike kөndә qabul itelәçәk dip belderәlәr. Britan ilçese Greenstok bu өlkәdәge progressnı yomşaqlap bolay dide

Audio

"Hәrkem monıŋ aşığıçlığın hәm politik mәsәlәlәrne çiklәrgә kirәklegen aŋlıy."

Ğıraqqa qarşı suğış başlağannan soŋ ütkәrelgәn berençe ciında mөselman hәm Ğәrәp illәre vәkillәre , AQŞnıŋ xәrbi aksiәsen BMOsı Xartiәsen boza dip xөkem ittelәr.

Fәrit Idelle, Praga.
XS
SM
MD
LG