Accessibility links

пәнҗешәмбе, 8 декабрь 2016, Казан вакыты 21:10

Koalitsiä köçläreneñ xärbi vä säyäsi citäkçeläre Ğıraq suğışı kötelgännän ozaqraqqa suzılaçaq dip belderä


Armiäne ciñügä qarağanda ber rejimnı yuqqa çığaru küpkä qıyınraq! Bu Ğıraq suğışınıñ berençe atnası tämamlanğannan soñ alınğan sabaq bulıp tora . Koalitsiä köçläreneñ xärbi vä säyäsi citäkçeläre dä Saddamnı çitlätü öçen alıp barılğan suğış kötelgännän ozaqraqqa suzılaçaq häm kiskenräk bulaçaq dip cämäğätçelekne äzerläp quydı. Bombalaular elekesenä qarağanda köçlänä barğanda , Dönyanıñ küp kenä illärendä suğışqa qarşı demonstratsiälär däwam itä

Suğışnıñ 9. könendä Bagdad elek bulmağan qädär qatı bombalanıp, Könyaqta Nacaf öçen suğış barğanda ,Britanie premiere T.Blair BBC gä älegäçä suğışta küp närsägä ireştek , ämma suğış bik qatı baraçaq häm bik qıyın mizgellär yäşiyäçäkbez , ğıraq citäkçesen bärep töşerü öçen kübräk waqıt kiräk bulaçaq dip äytte. Ğıraqtağı AQŞ armiäseneñ general leytinantı Willaim Wallace Waşington Post gazetasına birgän ängämädä,ğıraqlılarnıñ qatı qarşılq kürsätüe häm täminat yulınıñ ozın buluı säbäple koalitsiä köçläreneñ Bagdadqa taba baruı aqrınaydı , bu suğışnıñ ozayaçağın añlata dip söyläde. Wallace süzlärençä, ğıraqlılar partizan stili taktika alıp bara, bu AQŞ öçen kötelmägän närsä buldı,AQŞ xärbiläre moña äzerlekle tügel ide. Kiçä Pentagon räsmiläre kiläse atnalarda Farsı Qultığına 100meñ östämä xärbi cibärergä qarar birde. Prezident G.Bush suğış küpme genä däwam itmäsen, ahır çiktä Saddam Xösäin rejimı cimereläçäk dip äytep (audio) Bez diktatornıñ in qatı häm in ömetsez berlekläre belän suğışabız. Alda torğan suğış kübräk qıyulıq, kübräk qorbannar taläp itäçäk.bez näticäne beläbez. Ğıraq qoralsızlançaq. Ğıraq rejimı betäçäk häm küp cafa çikkän ğıraq xalqı irekle bulaçaq. Saqlanu ministırı Xaşim Axmäd jurnalitslarğa , bagdadnı ber niçä kön eçendä qamap alaçaqlar ämma şähärne alalmıyaçaqlar , bez här urında ahırğa qädär suğışaçaqıbız dip äytte. Mäğlümät ministırı al sahaf Blairnıñ ğıraqlılar ike britan ğäskäriän üterde digän ğäyepläün kire qağıp (audio) Minemçä Blair şulay dip äytep, iqtibarnı bezgä çälep itmäkçe , xalıqnı bez üterdek dip ışandırmaqçı, ämma bez ber kemne dä ütermädek, Alar yä suğış qırında yä qurqaq bulğan öçen ülde, qalğannarın bez äsir itep totaçaqbız. Bugen amerikan köçläre urta Ğıraqta Nacaf häm könyaqtaraq Nasiriä şähre tiräsendä Ğıraq xärbiläre belän suğıştı. AQŞoçqıçları başqala häm tiräsen bombalarğa däwam itä. Kärbälä belän Bagdad arasında ğıraq tanka, boralaqları häm bilgesez ber bina bombalandı dip belderelde. Basranı qamap totqan Britan köçläreneñ süzçese ğıraqnıñ yarım xärbi köçläre şähärdän çığırğa tırışqan sivil xalıqqa minamöt häm aftomatik qorallardan ut açtı dip belderde.Britan ofitserı polkovnik Vernon 5kön däwam itkän bäreleşlär säbäple Basrağa yardäm kertü mömkin tügel dip äytkän. Xabärçelär tönyaqta körd partizannarı- peşmergäläreneñ Kirkukkka yaqınlaşuın häm AQŞnıñ anda transport maşainaları häm xärbilär kiterergä däwam itüen belderä Suğış başlağannan birle berençe humanitar yardäm korabı könyaqtağı Umm Qasr portına kilde. Sir Galahad isemle korabnıñ kilüe AQŞ belän ğıraq köçläre arasında barğan qorallı bäreleşlär häm portnıñ minalanğan buluı säbäple kiçekte. Korab azıq tölek , meditsina häm su belän tutırılğan. Yardäm Basra şährenä birelergä tieş. Yardäm oıyşmalarına Könyaq ğıraq xalqına humanitar yardäm citkerü bik qıyın, Azatlıq xabärçese Charles Recknagel bolay dip belderä (audio) Min çik şähre Safwanda .Kuweitlelärneñ azıq tölek su taratu tırışlığı bugen talauğa äylände. Qayber awıl keşeläre yök maşinalarına sikerep menep, andağı azıq tölek tartmaları häm su şişälären üz duslarına, tuğannarına ırğıta başladı , qayçaqta köç qullanıp, Tärtipsezlek yök maşinalırınıñ qaçularına säbäp buldı .Çik saqçıları havağa ut açıp äle dä maşinalarğa yäbeşkän keşelärne qurqıtırğa teläde. Bu Safwanda çärşämbedän soñ kilgän ikençe yardäm konvoyı ide , şuluq xaos qabatlandı dip äytä xabärçebez Recknagel .Yardemne Kuweitnıñ qızıl ay oyışması oyıştırdı. Bugen dä bik küp illärdä suğışqa qarşı protets belderü däwam itte. Suğışta ber tarafnı da yaqlamağan İranda bugen berençe märtäbä bik zur uram cıyınnarı ütte. Proterts belderüçelär , Saddamğa ülem Amerikağa ülem digän şiğarlar qıçqırdı.

Färidä Xämit, Praga
XS
SM
MD
LG