Accessibility links

сишәмбе, 6 декабрь 2016, Казан вакыты 19:14

Koalitsiä köçläre Basra şähären tulı kontrolgä ala almıy


Amerikan xärbi köçläre häm Ğiraq ğaskärläre arasında bäreleşlär Najaf häm Nasiriya şähärläre tiräsendä däwam itte, Amerikan oçqıçları başqala Bağdadnı häm anıñ tirälären utqa tottı. Basrada Britan ğaskärläreneñ matbuğat wäkile, Ğiraq parlamentı xärbi köçläre şähärdän çığıp barğan qaçaqlarğa ut açtı, dip xäbär itte. Tağın ber Britan xärbie polkovnik Chris Vernon, Sky News televideniäsenä Britan ğaskärläre äle Basra şähären kontrolgä alalmıy, dip äytte. Ğiraqnıñ başqa töbäklärendäge xällärgä kilgändä, Ğiraq kördläre suğışçıları Kirkuk şähärenä yaqınlaşa , Amerikan köçläre tönyaq Ğiraqqa kübräk transport häm ğaskärlär cibärde, dip xäbär itelä. Ğiraq Mäğlümat Ministrı Said al-Sahaf, kiçäge bombalawda 75 keşe häläk buldı, 290ğa yaqını yaralandı, dip belderde. Ğiraq suğışı başlanğannan birle bügen berençe xalıqara humanitar yardäm Umm Qasr portına kilep citte. Sir Galahad isemle Bitan köymäseneñ kilep citüen –töbäktä däwam itkän bäreleşlär häm şähärneñ minalardan çistartılıp betmäwe totqarladı. Humanitar yardäm berençe çiratta 1 million 300 meñgä yaqın xalqı bulğan Basra şähärenä bülenäçäk.

XS
SM
MD
LG