Accessibility links

шимбә, 10 декабрь 2016, Казан вакыты 10:10

Möselman illärendä comğa namazlarınnan soñ Ğiraq suğışına qarşı uram cıyınnarı uzdı


İran başqalasında xökümät yaqlawında uzğan, Ğiraqta barğan suğış häm Säddäm Xösäingä qarşı protest çarasında bügen distälägän meñ keşe qatnaştı. Yözlägän keşe täräzälärne wattı, Britan ilçelegeneñ saqçılar postların cimerde. Ğiraq suğışı başlanğannan birle-bu çara-İranda uzğan iñ zur uram cıyını ide, Tähran bu mäs’älädä neytral qalırğa tırıştı. Jordan başqalası Ammanda uramnarğa 3 meñ, Qahirädä 15 meñgä yaqın keşe çıqqan. Könbatış Yarda häm Gaza sızığında annan da kübräk, 50 meñgä yaqın fälestinle cıyılğan. Aziä däwlätlärendä dä uram cıyınnarı uzdı. Bangladeş başqalası Dhaka’da, Jakarta’da häm İndoneziäneñ qayber başqa şähärlärendä protest çaraları tınıç uzdı. Manila’da Ğiraq suğışına qarşı buluların belderer öçen 5 meñgä yaqın keşe çıqqan. İstanbulda uramnarğa çıqqan 5 meñgä yaqın keşe Britaniä, Amerika Quşma Ştatları, İspaniä häm İzrael bayraqların yandırğan.

XS
SM
MD
LG