İqtisadi Xezmättäşlek häm Tärräqiät Oyışması utırışında qatnaşqan Rusiä Finans ministrı Aleksei Kudrin, Rusiä şirkätläreneñ Ğiraq neft kampaniäläre belän kileşülären özüe-qanunsız bulaçaq, dip belderde. Kileşülär xalıqara qanunnar nigezendä tözelgän häm alarnı tözergä amerikan yuridik firmaları yardäm itkän. Kudrin, Ğiraqta tözeläçäk yaña xakimiät tä Rusiä şirkätläre belän bulğan kileşülärne ğamäldä qaldırır digän ömeten belderde.
Kudrin şulay uq, Rusiä belän Quşma Ştatları arasında Ğiraq suğışı mäs’äläsendäge fiker ayırmalıqları Mäskäw-Waşington mönäsäbätlärenä tä’sir itmiäçägenä ışanuın belderde.
