Accessibility links

дүшәмбе, 5 декабрь 2016, Казан вакыты 15:37

“Aq Bars” 3:4 isäbenä Tol''yattinıñ “Lada” komandasına ottırdı




Bu atnada Tatarstandağı xokkey söyuçelär qara qayğı kiçerdelär. Play-off uyınnarınıñ iñ soñğısında “Aq bars” 3:4 isäbenä Tol'yattinıñ “Lada” komandasına ottırıp, Rusiä çempionatınıñ medal'lärennän qolaq qaqtı.

2003 yıl sezonında “Aq bars” üzeneñ uyınnarı belän xokkey söyuçelärneñ östenä yä bozlı, yä qaynar su qoyıp tordı. İnde olığayıp barğan ölkän trener Yuri Moiseevnı çempionat barışında Vladimir Plyuşçevqa alıştırdılar. Zamanında KGB ofitserı bulğan Plyuşçev cilkäsenä berük waqıtta Rusiä xokkey cıyılma komandası baş trenerı wazifaların da yöklädelär. İke köymädä yözüneñ berençe näticäsen kürdek: aqça, kiem, başqa matdi yaqlardan “Lada”dan küpkä yaxşı yäşägän “Aq Bars” respublika danın aqlıy almadı. Ä bit biredä yılına 400 meñ dollar xezmät xaqı alıp uynawçı xokkeyçı da bar bit äle. İnde şundıy masraf salıp ta “Aq Bars” ömetlärne aqlamıy. Ni säbäptän soñ? 27 martta Qazan universitetında oçraşu waqıtında Mintimer Şäymiev bu sorawnı yäşlär eşläre, fizkul'tura häm sport ministrı Marat Barievqa da birep qaradı. Ällä äyter süze bulmağanğa, ällä universitet diwarlarında üzen student bulıp xis itkängäme, Marat äfände prezidentqa qänäğätländererlek cawap birä almadı.

Bälkem, zur aqçalarğa çit il uyınçıların satıp alğançı çın xokkeyçılarnı üzebezdä tärbiäli başlarğa kiräkter. Ber aqçanı sport qorılmalarına totsaq, yäşüsmerlär xokkeyen üstersäk – bälki ciñärbez. Häm ul ciñüneñ täme dä bäxäse dä bötenläy başqa bulır ide.

Damir Ğısmetdin

XS
SM
MD
LG