Accessibility links

якшәмбе, 11 декабрь 2016, Казан вакыты 16:50

AQŞ xärbi oçqıçları Bağdadnı bombalawnı däwam itä.


Ğiraqnıñ könyaq üzägendäge AQŞ cir öste ğäskärläre tä’minätne yaxşırtu häm östämä köçlär kilüen kötü öçen Bağdadqa taba xäräkättä tänäfes iğlan itte. Bügen irtän AQŞ raketaları Ğiraq mäğlümät ministrlığı binasına töşep şartladı. AQŞ xärbirläre äytüençä, könyaq-könçığışta boralaqlar Cömhüriät Saqçıları urtanşqan pozitsiälärne utqa totıp Ğiraqnıñ kimendä 50 soldatın ütergän. Nacaf şähäre yanındağı tikşerü qapqasında ber intixarçı üz maşinasındağı bombanı şartlatıp 4 amerikan soldatın üterde. İntixarçı tikşerü qapqası yanında tuqtağannan soñ qul bolğap soldatlarnı üze yanına çaqırğan häm alar kilgäç bombanı şartlatqan. Britan xärbiläre Ğiraqnıñ könyağındağı Basra şähärendä xakimiättäge Baat partiänsenä höcümnär oyıştıru turında belderä. Älegä koalitsiä köçläre şähär çitendä qala. Uzğan töndä AQŞ oçqıçları Baatnıñ Basradağı idarä binasın cimerde. Bombalaw waqıtında binada Ğiraqnıñ 200-läp suğışçısı cıyılış ütkärgän bulğan dip isäplänelä. Qatardağı AQŞ xärbi citäkçese general-mayor Viktor Renuart, Söğüd Ğärabstanı qayber rakertalarnıñ üz cirenä töşep şartlawına zarlanğannan soñ bez andıy raketalar qullanunı çiklädek dide. Bügen Küwäyt şähäreneñ yar buyına Ğiraqnıñ ber raketası töşep şartladı. Näticädä 2 keşe yaralandı, ber binağa zian kilde.

XS
SM
MD
LG