Accessibility links

дүшәмбе, 5 декабрь 2016, Казан вакыты 13:34

Fransiä prezidentı Jacques Chirac belän Britaniä premyer-ministrı Tony Blair Ğiraqnı tözekländerüdä BMOnıñ qatnaşuı bik möhim dip kileşte.


Chiracnıñ matbuğat üzäge belderüendä, ike citäkçe telefon aşa söyläşte häm Ğiraqnı tözekländerügä bäyle mäs’älälär belän bergäläp şöğellänergä teläk belderde dielä. Belderüdä, şulay uq, Blair Chiracka AQŞ prezidentı George Bush belän ütkärgän söyläşüläre turında mäğlümät birde, Chirac Britaniäneñ Ğiraqtağı yuğaltularına qızğanıç belderde dip äytelä. Fransiä belän Britaniä Ğiraq säyäsätenä qarata ber-bersenä qarşı pozitsiädä tora. Fransiä Ğiraqtağı xärbi çaralarğa kisken qarşı çığa, Britaniä isä höcümne yaqlap Quşma Ştatlarğa yardämgä üz ğäskärlären cibärde. Chirac xärbi çaralar mömkin qädär tizräk tämamlansın häm mömkin qädär azraq zian belän ütsen dip teläwen belderde.

XS
SM
MD
LG