Accessibility links

чәршәмбе, 7 декабрь 2016, Казан вакыты 17:30

Öç kön eçendä Ğiraq Mäğlümat Ministrlığına ikençe tapqır höcüm yasaldı


Bügen Ğiraq Mäğlümat Ministrlığına eläkkän amerikan tamagavk raketası şulay uq Ğiraq televideniäsen dä 4 säğatkä eştän çığardı. Şartlawlardan yanğın çıqtı. 3 kön eçendä Ğiraqnıñ mäğlümat üzägenä 2nçe tapqır höcüm itelde. Xalıqara matbuğat oyışmaları Televideniä manarasına yasalğan höcümne kisken täñqitkäp çıqtı, Amerika Quşma Ştatlarındağı koalitsiä köçläre, barı tik Ğiraq citäkçelege utırğan binalar bombalana, dip belderde. Prezident Saddam Hösäin ulınıñ sarayı da utqa totılğan dip xäbär itelä. Amerikan ğaskärläre başqala Bağdad yanındağı iñ yaqın noqta, 70 çaqrım yıraqlıqta bulğan Al-Hindya şähärenä kilep citte, anda 3nçe cir öste ğaskärläre deviziäse häm Ğiraq köçläre arasında bäreleşlär buldı. Könyaqtağı Basranı kontrolgä alu öçen Britan ğaskärläre suğışnı däwam itä. BBC televideniäse, yözlägän Ğiraq xärbie qulğa alınğan dip xäbär itte. Amerikan ğaskärläre brigadirı general Vincent Brooks, Qatarda Dohadağı xärbi bazada, Ğiraq xalqı Säddäm Hösäin rejimınıñ betä baruın xuplıy, dip belderde Britaniä saqlanu ministrı Geoff Hoon, Ğiraqta progress bulsa da, ilneñ ber säyäsi yä xärbi citäkçese dä äle qulğa alınmağan, dip belderde. Yuğarı säyäsätçelärneñ yä xärbi citäkçelärneñ qulğa alınuı bulmadı äle, läkin qoralların taşlap koalitsiä köçlärenä birlüçelär yuq ide dip äytep bulmıy. Xäzerge waqıtta bezdä 8 meñgä yaqın suğış totqınnarı bar, alarnıñ kübese üzläre teläp bezgä birelde, dide Britan saqlanu ministrı Geoff Hoon. İntixar terror ğamälläre bu suğışta effektiv tügel, häm alarnıñ faydası bulmayaçaq, dip östäde Hoon Ğiraqnıñ tışqı eşlär ministrı Naji Sabri, ägär Amerikan häm Britan ğaskärläre xärbi çaralarnı tuqtatmasa, çülneñ alar öçen qabergä äylänäçägen belderde. Ğiraq prezidentın xakimiättän çitlätergä telägän Amerikan häm Britan ğaskärläre –bülep al häm xakimlek it taktikasın qullana, dide Sabri, läkin bu uñışqa ireşmiäçäk, dide ul. Amerikan ğaskärläreneñ xälen beler öçen bügen Kuwaitqa Quşma Ştatlar Üzäk Xärbi idaräse başlığı general Tommy Franks kilde. Misır prezidentı Hosni Möbäräk, Amerika Quşma Ştatlarnıñ Ğiraqtağı suğışı möselmannarnı könbatışqa qarşı tärbiälägän “yözlägän bin Ladennar” tudıra ala, dip beldeerde. Quşma Ştatlarda 2001nçe yılnıñ sintäbr ayında bulğan terror ğamällären oyıştıruda ğayeplängän Osama bin Ladennıñ qayda bulğanı bilgesez. Suez şähärendä Misır xärbiläre aldında çığış yasağanda, suğış “qotoçqıç” näticälärgä alıp kiläçäk, dip belderde Möbäräk. Misır, Ğaräp däwlätläreneñ küpçelege kebek suğışqa qarşı fikerdä qala.

XS
SM
MD
LG