Accessibility links

Srebrenitsa’da 1995nçe yılda küpläp üterelgän möselmannarnıñ qaldıqları cirlände


1995nçe yılnıñ 11 iülendä Srebrenitsa’da bulğan küpläp üterüdän isän qalğanar –qorbannarnıñ qaldıqların cirlärgä qayttı. Könçığış Bosniädäge Potocarı awılında mätäm çarasına 8 meñgä yaqın keşe cıyıldı. Mätäm köne buluı säbäple Banja Luka’da Bosniä Serb xökümäte häm parlamentı binalarında bayraqlar töşerelgän ide. Läkin Bosniä Serb prezidentı Dragan Caviç başfatirı östendäge bayraq ğadättäge xälendä elenep tora ide. Srebrenitsada 8 yıl elek bulğan waxşileklär tiräsendä qarşılıqlar qala kilä. Bosniä –Serb cämäğätçelege yäşägän töbäkkä häm Möselman-Xorvat federatsiäsenä bülengän. Serblarnıñ Republika Srpska yağında –Srebrenitsada 7 meñnän artıq möselmannıñ üterelüen äle dä kire qağalar. 600 keşeneñ mäyetläreneñ qaldıqları tabılğan, alar bügen Potoçarı awılı ziratında kümelde. Mätäm çarasına Bosniä räsmiläre, 20gä yaqın däwlätneñ ilçeläre kilde.
XS
SM
MD
LG