Amerikan xärbi köçläre, Äfğan ğısyançıları kiçä könşığış Äfğanstanda Quşma Ştatları ğaskärlärenä distälägän raketa attı, dip xäbär itä. Paktika provinsiäsendäge Amerikan bazasına yasalağan bu höcüm waqıtında häläk buluçılar yuq. Höcüm yasalğan urınnan kitep barğan maşinağa Amerikan bombaları atılğan. Xärbi köçlärneñ matbuğat wäkile Roger King beldeüençä 2 qorallanğan äfğan suğışçısı häläk bulğan.
Qabulda Xärbi Öyränülär Üzägenä häm Qabulda tınıçlıq saqlawçı Xalıqara köçlär başfatirına da kiçä höcüm itelgän. Höcümnär öçen cawaplılıqnı üz östenä ber kem dä almadı, läkin räsmilär –baş kütärüçelär Taliban yaqlı suğışçılar, Al-Qaeda äğzaläre yä xärbi citäkçe Gulbuddin Hekmatyar suğışçıları bula ala, dip belderde.
Paqstan eçke eşlär ministrı Faisal Saleh Hayat, İslamabad Al Qaeda’nı –legal bulmağan terrorçılar oyışması itep iğlan itäçägen belderde. Al Qaeda belän bäyläneşe buluda ğayeplänep qulğa alınğannar Paqstanda mäxkämä aldına basqaç-Al Qaeda’nıñ tıyılğan bulmawı belän üz üzlären yaqlarğa tırştı. Äfğanstannan Paqstanğa yözlägän Al Qaeda suğışçısı qaçqan dip farazlana.
