Accessibility links

якшәмбе, 11 декабрь 2016, Казан вакыты 13:02

Oppozitsiädäge şiği möselmannarı Ğiraqqa qaytırğa äzer


Ğiraqtan quılğan şiği möselman cämäğätçelege Amerika Quşma Ştatlarınıñ Ğiraqqa qarşı suğışın täñqitläsä dä, prezident Säddäm Hösäin xakimiättän bärep töşerelgäç Ğiraqqa qaytırğa teläkläre buluın belderde. Kiçä İrannıñ Qom şähärendä 300gä yaqın ruxanilär häm din uquçı studentlar cıyıldı. Alara arasında oppozitsiädäge Ğiraq şiğiläre törkeme, Ğiraqtağı İslam Revolyutsiäseneñ Yuğarı Şurası äğzaläre dä bar ide. Cıyında qabul itelgän belderüdä Ğiraqnıñ kiläçägen Ğiraq xalqı xäl itergä tieş, dielä. 25 yıl elek Ğiraqta nigez salınğan mäktäp başlığı Ayatolla Mohammäd Hadi al-Razi, bu dini maktäpneñ qanunnarına kürä-Quşma Ştatları belän nindi dä bulsa xezmättäşlek mısqıl itü kebek qabul iteläçäk, dide, häm Ğiraqqa wazğiät üzgärgäç tä qaytırğa äzer buluın belderde.

XS
SM
MD
LG