Accessibility links

дүшәмбе, 5 декабрь 2016, Казан вакыты 19:48

J.Morris: Ğiraqta humanitar faciğane buldırmasqa mömkinleklär bar


Beläşkän Millätlär Oyışmasınıñ Dönya Azıq-Tölek Programması başqarma direktorı James Morris, Ğiraqta humanitar faciğane buldırmasqa böten mömkinleklär bar, dip belderde. Tizdän 27 millionlıq Ğiraq xalqı azıq-tölek belän tä’min iteläçäk. Ul arada Yevropa Berlegeneñ Başqarma Komitetı, xärbilär häm yardäm oyışmaları xezmätkärläre üz eşlären ayırım-ayırım başqarırğa tieş, digän belderü yasadı. Humanitar oyışmalarnıñ suğış barğan töbäklärdä eşläwe-xezmätkärläreneñ tormışına qurqınıç tudıra. Ğiraqnıñ berdän ber portı bulğan Umm Qasrğa Australiädän humanitar yardämneñ kilüe kiçekterelä. İke Australiä köymäsendä Ğiraq belän suğış aldınnan uq tözelgän kileşü näticäsendä meñlägän tonna boday kilergä tieş. Australiä diñgezçeläre inde 8 kön Umm Qasr suların minalardan çistarta. Uzğan atnada Ğiraqqa Britaniä korabı berençe humanitar yardämne kiterep citkerde. İke Australia köymäse isä Britaniäneñ Sir Galahad köymäsennän 4 tapqır zurraq buluı säbäple Umm Qasr portında östämä iminlek çaraları kürelä.

XS
SM
MD
LG